Búnaðarrit - 01.01.1907, Page 137
BÚNAÐARRIT
133
ingin ekki fram fyr en 6. júní; vorverkin urðu öll held-
ur með seinna móti vegna kuldanna. Heppilegast virð-
ist hér á Suðurlandi, að sá rófum seint í maí. Yegna
kuldakasta sem búast má við að komi á vorin, getur
verið varasamt að sá miklu af þeim fyr, en sé tíðin
skapleg er heldur ekki rétt að draga það lengur fram
eftir vorinu. Til þess að geta samt haft gulrófur nokkru
fyr á sumrinu, en annars, til að borða eða selja, er rétt
að sá nokkru af þeim hálfum mánuði eða þrem vikunr
fyrir aðalsáningartímann. Sáði eg nokkru 15. maí og fór
að selja af þeim til matar 15. ágúst, þá voru þær orðn-
ar allstórar, en uxu samt mikið eftir það.
Næpur. Þær eru oft nefndar majrófur öðru nafni.
Þær eru góðar átu snemma á sumri og hafa þann kost
að vaxa fljótt og má því fara að neyta þeirra fyr en
gulrófna. Næpur til matar, ætti að rækta á 2 álna
breiðnm beðum og sá þeim þar í raðir, þvert yflr beðin,
með 8 þumlunga miliibili; þegar þær eru komnar vel
upp eru þær grisjaðar svo að 6 þumi. bil verði milli þeirra
í röðunum. 10 vikum eftir sáningu eru þær nógu stór-
ar átu. Hafi verið sáð meiru en útlit er fyrir að neytt
verði í ágústmánuði, má láta þær standa eftir á víð
og dreif, með sem jöfnustu millibili, fá þá þær sem eftir
verða nægilegt rúm og verða stórar og góðar til fóðurs.
11 afbrigði hefi eg reynt: Ranð amerísk, bláliaust-
nœpa, blá flatnœpa, Ballangen ftatnœpa, Miinchener,
hvit flöt, lwit hollenzk, livit snemmvaxin, gul hollenzk,
snjóbolti og gul flöt.
Bragðið verður mestu að ráða í vali næpnaafbrigða
til matar; af þessum er Ballangen bragðbezt. Þær 6
sem fyrst eru taldar verða stórar, gefa mikla uppskeru
til fóðurs á haustin. Sumar af þeim verða nefndar aft-
ur með fóðurjurtunum. Þær 5 sem síðast eru taldar
vaxa talsvert lakar en hinar fyrri.
II. Fódurjurtir.
Rófur. Tii fóðurrófna tel eg hér að eins túrnips