Búnaðarrit - 01.01.1907, Side 142
138
BÚNAÐARRIT
Áburðartilraunir voru og gerðar með hafra á sömu
blettum og undanfarin ár. Það sama kom í ijós; sprettan
varð lang bezt þar sem áburðartegundirnar höfðu allar
verið bornar á saman og þar næst af þeim, sem fengið
höfðu s'úperfosfat og kalísalt.
Þetta sést nánar á myndinni. í kollurnar var látin
mold, laus við allan húsdýraáburð. í tvær þeirra var
látinn mismunandi tilbúinn áburður saman við moldina,
í eina þeirra kalk og ekkert í eina og höfrum síðan sáð
í þær allar.
Nr. 1. Kílísaltpétur, súperfosfat og kalísalt.
— 2. Enginn áburður.
— 3. Súperfosfat og kalísalt.
— 4. Kalk.
Mismunurinn er auðsjáanlegur á þrem þeim fyrstu.
Heldur sprettur betur í nr. 4 en nr.2, en lítill er sá munur.
Þess má geta, því til trygginnar að myndin sýni
áreiðanlegan sprettumun, að aðrar fjórar kollur með
nákvæmlega sömu mold og áburði og þessar, sem hór
eru sýndar, voru við hliðina á þeim og var sprettan
mjög lík eða alveg eins og í þessum.
Út úr áburðartilraunum undanfarinna ára, má, eins
og þegar er sagt, draga þá ályktun, að súperfosfat og
kalísalt, borið á saman, á brotna jörð, gefi góðan árang-
ur, sem geri mikið meira en borga áburðarkostnaðinn.
Sé Kílísaltpétur borinn á með þessum tveim áburðar-
tegundum, verður ágóðinn meiri.
Alt bendir á það, að á moldarmikinn, brotinn jarð-
veg, eigum vér fyrst og fremst að bera súperfosfat og
kalísalt og helzt Kílísaltpétur iíka.
Það ætti ekki að þurfa að taka það fram, að þótt
nota megi tilbúinn áburð, með góðum árangri, sórstak-
lega handa sáðjurtum, þá verðum vér, engu síður fyrir
það, að hirða og nota búpeningsáburðinn eins vel og
hægt er. Tilbúni áburðurinn á að bæta úr áburðar-
skortinum svo hægt sé að færa út ræktaða landið.