Búnaðarrit - 01.01.1907, Page 160

156
BÚNAÐARRIT
um kláðann; hann er ekki til n.ema fyrir — mér liggur
við að segja, glœpsamlega breytni manna. Ef stolið
væri frá bónda jafnmörgum krónum árlega og hann á
margar kindur, mundi hann ekki hika við að nefna
þann, er það gerði, glæpamann; en ef bóndi vanrækir
að þrifubaða íé sitt á hverju hausti, fremur hann þann
glæp. En sé um það að ræða, að ala eða útbreiða
kláða (til annara samskonar manna) verður þetta enn
ægilegra.
Þetta þykja máske gífuryrði; en mér finst þau
nú viðeigandi og þætti. ekki að, þótt þau festust í minni.
Meðan eg á kindur, býst eg ekki við að leggja niður
haustbaðanir, og það ekki þótt mér væri boðin til þess
ein króna fyrir hverja kind — og króna fyrir hvert lamb
í vonum næsta vor, í ofanálag.
Yorlambaböðun er óþörf, séu ærnar baðaðar á haust-
in; sóu þær lúsalausar, fá iömbin ekki iúsa-óþrif; þetta
er sannreynt og auðskiiið.
Eg hefi ekki orðið annars var, en að menn urn alt
land kannist við, að þrif fjárins væru betri baðárið en
ella (þar sem ekki var vani að baða árlega, og drepst
þó sauðalúsin ekki nærri eins vel af tóbaksbaðinu, eins
og af kreolínbaði). Get eg því ekki annað skilið, en að
tómleiki bænda, í að taka upp árlegár baðanir stafi af
því, að erfitt sé að íá gott baðefni, og af vanþekking á
að framkvæma verkið lótt og hagkvæmiega.
Við hér notum gott kreólín, er fæst á 50 aura
pötturinn (2 &), og blandað er 1: 40 (einn pt. kreólín,
40 pt. vatn) 3—4 pt. af baðlegi fara í hverja kind að
meðaltali (ef vel sígur úr þeim, ekki yfir 3 pt.). Þægi-
legra er að baðið sé volgt, og er vatnshitunin aðalfyrir-
höfnin, úr því baðáhöldin eru fengin ; en þau ættu að
vera til á hverjum kinda-bæ. Þá geta grannar, sem
hægt er að flytja milli, notað sömu áhöldin.
Baðlcer getur hver meðalgreindur maður gert sér
hugmynd um ; að vídd í botninn og að lengd þarf að