Búnaðarrit - 01.06.1919, Blaðsíða 43

BÚNAÐARRIT
153
4. Sama nefnd um erindi Jóns Pálssonar dýralæknis
um styrk til að rannsaka lungnaormaveiki í sauðfje.
Tiilaga nefndarinnar samþykt í einu hijóði.
5. Sama nefnd bar fram svohljóðandi tillögu:
„Búnaðarþingið felur fjelagsstjórninni að undir-
búa og leggja fyrir næsta búnaðarþing tillögur um
fyrirkomulag búfjártrygginga".
Samþykt með öllum atkvæðum.
6. Jarðræktarnefnd bar fram 4 tillögur:
a. um sandgræðslu. Að búnaðarþingið skori á al-
þingi að veita alt að 12000 kr. styrk á ári
næsta fjárhagstímabil.
b. um vinnu og ráðning verkafólks. Að komið verði
upp ráðningaskrifstofu í Reykjavík, í væntan-
iegri samvinnu við Fiskifjelagið og Alþýðusam-
bandið.
c. um samvinnu milli flskiþings og búnaðarþings.
Að æskilegt væri að samvinna kæmist á milli
þessara tveggja fjelaga, Fiskifjelags og Búnaðar-
fjelags, t. d. um samgöngumál, afurðasölu, jarð-
eldabætur, markaðsstefnur o. fi.
d. um kaup á landi til fóðurtilrauna. Að fjelagið
kaupi um 6 dagsláttur erfðafestuland af Einari
Helgasyni. — Ennfremur að Einar Helgason fái
keypta litla spildu af landi gróðrarstöðvarinnar,
neðan við ibúðarhús hans.
Ailar þessar 4 tillögur voru samþyktar með öllum
atkvæðum.
7. Sölunefnd lagði fram álit sitt um sölu hrossa til
útlanda.
Tillaga nefndarinnar í því máli var svohljóðandi: