Búnaðarrit - 01.06.1919, Blaðsíða 79
BÚNÁÐARRIT
189
anna, eftir því hvort skepnurnar eiga að eins að haldast við
eða þær eiga að framleiða eitthvað eins og t. d. mjólk.
Rannsóknir á efnagreiningu hinna ýmsu heytegunda okkar í
mismunandi verkun, eru því, í sambandi við praktiskar fóður-
athuganir, að mínu áliti, það sem þörf er á, svo að menn
geti orðið fræddir um það, hvernig áætla megi meltanleg
næringarefni í heytegundum, eftir því hvernig heyin verkast,
og fara sem næst um það, hvaða fóðurbætistegundir eða nær-
ingarefni því á að kaupa eftir atvikum.
Um þær 2000 kr. sem þriðja spurningin ræðir um, er það
að segja, að fjelagsstjórnin hefir munað vel eftir þeim, enda
aðrir oft minst á þær við hana, en hún hefir viljað sýna þá
kurteisi, þar sem búnaðarþing er haldið í ár, að láta vera
að ráðstafa þessu fje þar til stjórnarkosningin á búnaðar-
þinginu væri um garð gengin.
Í20. Nefndarálit í fóðurbirgðainálinu frá ncfudinni.
Vjer, sem búnaðarþingið kaus til þess að íhuga fóðurbirgða-
máiið frá ýmsum hliðum, tókum fyrst til athugunar brjef sem
nefndinni var afhent frá sýslumanninum í S.-Þingeyjarsýslu til
Stjórnarráðsins, sem það hafði svo sent Búnaðarfjelagi Is-
lands til umsagnar.
I brjefinu er óskað eftir því, að í bók forðagæslumanna sje
hey talið í vættum og kg., en ekki í máli nje mati.
Nefndin lítur svo á, að íóðurgildi heysins sje það eina,
sem rjett sje að miða við, en alls ekki vigt og jafnvel ekki
mál, þó það í rauninai verði að teljast fyrsta undirstaðan
undir mati fóðurgildisins, en að vigtina sje auðvelt að fá út
úr málinu þegar það er rjett metið til fóðurgildis.
Eigi skoðun forðagæslumanna að vera sjálfstæð — og það
á hún að vera — þá er málið það eina sem er mögulegt.
Enginn getur vigtað heyhlöður eða heystakka, það verður
því að mæla heyið, og ef menn svo kunna að meta það til
fóðurgildis, þá er auðvelt að segja hvað vigtin sje. En svo
er það að athuga, að vigtin, þó a heyi sje, er ekki sú sama
til fóðurgildis. 50 kg. af töðu er ekki það sama sem 50
kg. af útheyi, og því síður sama og 50 kg. af slldarmjöli,
&ild, maismjöli, beinamjöli, olíukökum eða lýsi, en einhver
áreiðanleg fóðureining ætti að geta fundist, sem gerði þetta