Búnaðarrit - 01.06.1919, Blaðsíða 46

156
BÚNAÐARRIT
Tillaga nefndarinnar, að farið skyldi fram á
sjerstaka fjárveiting úr landssjóði í því skyni, að
afia fræðslu um niðursuðu á kjöti og um skiiyrð-
in fyrir sölu á freðnu kjöti í Englandi.
Samþykt í einu hljóði.
6. Fjárhagsnefnd hafði samið fjárhagsáætlun fyrir næsta
fjárhagstímabil, urðu um hana miklar umræður.
Tryggvi Þórhallsson bar fram svolátandi tillögu:
„Styrkurinn til búnaðarsambandanna veitist að
því tilskyldu, að samböndin hafi að minsta kosti
fjórðung allra tekna sinna annarsstaðar að en úr
landssjóði".
Samþ. með 7 atkv. gegn 3, að vísa tillögunni til
fjárhagsnefndar.
Guðmundur Þorbjarnarson geiði þá tillögu, að
Búnaðarsamband Suðurlands fengi jafnmikinn styrk
og Búnaðarsamband Yestfjarða.
Skyldi fjárhagsnefnd taka það til athugunar.
Ennfremur var því hreyft til athugunar fyrir fjár-
hagsnefnd, að styrkurinn til Búnaðarsambands
Borgarfjarðar yrði færður upp í 2400 kr.; til Bún-
aðarsambands Dala og Snæfellsness í 2000 kr., og
styrkurinn til Búnaðarsambands Kjalarnesþings upp
í 1000 kr.
Að því búnu var fjárhagsáætluninni vísað til 2.
umræðu með öllum atkvæðum.
7. Sigurður Sigurðsson taldi æskilegt að búnaðarmála-
íundir gætu orðið haldnir við og við, og ætti fje-
lagið að styðja að slíkum fundahöldum með fjár-
framlagi. Fundina ættu að sækja þeir menn, sem
eru í opinberri þjónustu fyrir landbúnaðinn.
Þessi uppástunga var tekin sem bending til fjár-
hagsnefndar.