Hugur - 01.01.1995, Qupperneq 81

HUGUR
Hugur, heili og forrit
79
5. Aðrir hugir (Yale)
„Hvernig veistu að annað fólk skilur kínversku eða eitthvað annað?
Eg ræð það einungis af hegðun þess. En tölvan stenst hegðunarprófið
eins vel og annað fólk (fræðilega), svo ef þú vilt gera ráð fyrir að fólk
hafi vit, þá verður þú einnig (fræðilega) að gera ráð fyrir að tölvur hafi
það.“
Þessi andmæli verðskulda aðeins stutt svar. Vandinn snýst ekki um
það hvernig ég geti vitað að annað fólk hefur vitsmuni heldur hvað
það er sem ég eigna fólki þegar ég eigna því vitsmuni. Rökin áttu að
sýna að það gætu ekki eingöngu verið útreikningar og útkoman úr
þeim, vegna þess að útreikningarnir og útkomurnar geta verið til án
nokkurra vitsmuna. Það eru engin mótrök að gera sér upp
tilfmningaleysi. í „hugfræði“ verða menn að gera ráð fyrir því að hið
hugræna sé bæði raunverulegt og þekkjanlegt á sama hátt og gera
verður ráð fyrir raunveruleika og þekkjanleika efnislegra hluta í
raunvísindum.
6. Völundarhúsarökin (Berkeley)
„Öll röksemdafærslan gerir ráð fyrir að gervigreind snúist einungis um
hliðstæðutölvur (analog computers) og stafrænar tölvur. En það er nú
bara tæknin eins og hún er í dag. Hver svo sem þessi orsakaferli eru
og þú segir að séu nauðsynleg forsenda íbyggni (segjum að þú hafir á
réttu að standa) þá munum við fyrr eða síðar geta búið til tæki sem
búa yfir þessum orsakaferlum og það mun vera gervigreind. Þín rök
beinast því á engan hátt gegn þeim möguleika að gervigreind geti
búið til og skýrt vitsmuni.“
Ég hef ekkert um þessi andmæli að segja, nema hvað þau afbaka
markmið gervigreindar með því að skilgreina hana sem hvað eina sem
býr til og skýrir vitsmuni með tilbúnum aðferðum. Það sem vakti
áhuga við upphaflegu fullyrðinguna um gervigreind, var að hún var
nákvæm og vel skilgreind kenning: Hugarferli eru reiknanlegar
aðgerðir á formlega skilgreindar einingar. Ég hef verið að bjóða
þessari kenningu byrginn. Ef fullyrðingin er skilgreind upp á nýtt
þannig að ekki verður lengur um sömu kenningu að ræða, hætta
andmæli mín að eiga við þar sem engin prófanleg tilgáta er lengur til
staðar.