Almanak Ólafs S. Thorgeirssonar - 01.01.1924, Blaðsíða 113

ALMANAK
Jónas Jónsson. — Hann var fæddur 19. júní
1855 á Valþjófsstöðum í Presthólahreppi í Norður-
Þingeyjarsýslu. Poreldrar hans voru Jón trésmið-
ur Jónsson, bóndi á Valþjófsstöðum, og kona hans
Ástfríður Jónsdóttir. Jón faðir Jónasar var bróðir
Gísla föður Þorsteins Gíslasonar ritstjóra í Reykja-
vík, Hjálmars bóksala í Winnipeg og þeirra syst-
kina. Ástfríður móðir Jónasar er systir Þorsteins
bónda á Hólmi í Argylebygð. Hún fór til Ameríku
Martne Malene Joensen Jónas Jónsson.
á gamals aldri. Þegar eg seinast vissi, var hún á
lífi, til heimilis hjá Ólöfu dóttur sinni og Jóhannesi
tengdasyni sínum, við Dog Creek P. O., Man.
Jónas ólst upp hjá foreldrum sínum. Um tví-
tugsaldur var hann um tíma hjá séra Hjálmari Þor-
steinssyni í Stærra-Árskógi í Eyjafjarðarsýslu.
Séra Hjálmar var síðar í Kirkjubæ í Hróarstungu.
Þar lærði Jónas skrift og fleira, er að almennri
mentun laut. Bar hann þess miklar menjar, skrif-
aði mjög fagra rithönd og var reikingsfróður. Séra