Dvöl - 01.10.1941, Blaðsíða 77
llLöí u nclariiir
Johannes Anker Larsen
fæddist á eyjunni Langeland árið' 1874.
Faðir hans var sjómaður, en móðir hans
bóndadóttir. Hann ólst upp í sveit, en hóf
skólanám, er hann hafði aldur til. Las
hann guðfræði við Kaupmannahafnarhá-
skóla, en hvarf frá því og gerðist leikari
og tók að skrifa leikrit og sögur. Lagði
hann þó fram eftir aldri mikla stund á
að kynna sér trúarbrögð. Fyrstu bækur
hans komu út eftir aldamót. Hófst hann
brátt í fylking hinna beztu rithöfunda,
danskra. En heimsfrægur varð hann árið
1923, er sagan „De vises Sten“, kom út.
Sú bók var þegar þýdd á fjölda mörg
tungumál. Fyrir hana hlaut hann og 70
þúsund króna verðlaun í heimalandi sínu.
Anton Chekhov
fæddist í bænum Taganrog á Rússlandi
árið 1860. Hann var sonur ánauðugs bónda
en var þó settur til mennta og lauk námi
í læknisfræði í háskólanum í Moskva. —
Skömmu síðar fór hann að rita smásögur,
og kom fyrsta safn hans út árið 1887.
Hann varð strax viðurkenndur skáld-
sagnahöfundur, en hróður hans óx með
hverri nýrri bók, unz hann var settur
í hóp allra frægustu meistara þessarar
skáldsagnagerðar. Sögur hans bera jafn-
an mark mannvinarins og lýsa djúpum
tilfinningum, jafnframt og þær sýna efa-
girni heimspekingsins. Anton Chekhov
lézt árið 1904.
Monteiro Lobato
er fæddur í fylkinu Sao Paulo í Brazilíu
árið 1883. Hann var maður óþekktur, þeg-
ar hann eitt sinn ritaði blaðagrein um
landbúnaðarmál, svo kröftuga og vel orð-
aða, að hún var sett á fyrstu síðu í merku
dagblaði. Allt frá þeirri stundu hefir hann
staðið í fremstu röð brazilianskra rithöf-
unda. Hann er talinn þjóðlegur í stíl sín-
um og efnismeðferð og hefir átt drjúgan
þátt i því að losa brazilianskar bókmennt-
ir við hin sterku frönsku áhrif, er þar
hafði lengi gætt. Lobato er mjög þekktur
smásagnahöfundur meðal spænskumæl-
andi þjóða, en auk þess forstjóri eins
stærsta bókaútgáfufélags í Brazilíu og rit-
stjóri tímaritsins Revista do Brazil.
Eduard Douwes Dekker
var Hollendingur. Hann fæddist árið
1820 og náði 67 ára aldri. Hann gerðist
snemma rithöfundur og samdi bæði sögur
og leikrit. Náði hann mikilli frægð, en
ágætust af ritverkum hans þykir hin víð-
kunna saga, Max Havelaar. Fletti hann í
þeirri bók ofan af kúgun Hollendinga og
grimmd í stjórnarháttum þeirra á Java,