Hlín - 01.01.1960, Qupperneq 145

Hlin
143
50 talsins. — Þetta er í fyrsta sinn, sem okkar fjelag hefur haft
aðstöðu til þess að halda slíkan fund, og var okkur því mjög um-
hugað að hann gæti farið vel fram.— Að fundarstörfum loknum
bauð frú Hulda Jakobsdóttir, bæjarstjóri, fulltrúunum í kynnis-
för um bæinn. — Voru þá barnaskólarnir skoðaðir og ennfremur
nýr fimleikasalur, sem tekinn var í notkun síðara hluta vetrar.
Einnig var farið í skrúðgarð bæjarins, sem nú þegar er kominn í
þó nokkurn blóma, enda hefur vorið verið einmuna gott. — Að
lokum var farið upp á þak Fjelagsheimilisins, en þaðan er dásam-
legt útsýni yfir nærliggjandi sveitir. — Virtust konurnar mjög
hrifnar af því sem fyrir augu bar, og framkvæmdir allar bera vott
um stórhug hjá hinu unga bæjarfjelagi okkar. — Um kvöldið var
haldið hóf í veitingasal Fjelagsheimilisins og sátu það um 70 kon-
ur. — Undir borðum tóku nokkrar konur til máls, þar á meðal
frú Helga Magnúsdóttir á Blikastöðmu, sem er formaður Sam-
bandsins, og Rannveig Þorsteinsdóttir, lögfræðingur, og ljetu í
ljós ánægju sína með daginn. — Samkomunni var slitið um kl. 11
um kvöldið og hjeldu fulltrúar þá heimleiðis.
Fyrir rúmum mánuði var hafist handa um kirkjubygginguna og
miðar henni ört áfram.
Frá Hellssandi á Snæfellsnesi er skrifad á Góunni 1960: —
Kvenfjelagið okkar starfar með svipuðum hætti og verið hefur. —
Við höfum nú selt Samkomuhúsið okkar, og höfum þar losnað
við erfiðan bagga, því ágóði af því varð aldrei neinn í okkar hönd-
um. — Nú vinnum við að því að koma okkur upp skrúðgarði, Það
er tæplega hektari lands, sem við eigum, og ljetum girða 1955.
Síðan hefur þetta verið skipulagt að nokkru og gróðursett, bæði
trjáplöntur og fjölært, ásamt hinum sjálfsögðu litfögru sumar-
blómum. — Síðastliðið sumar ljetum við reisa þarna líkingu af
litlum sveitabæ og á klettabeltinu fyrir ofan litla bæinn er stór
flaggstöng, þar sem okkar elskaði, islenski fáni blaktir við hún
hvern helgan dag yfir sumarmánuðina. — Sjerstök garðyrkju-
nefnd hefur umsjón með garðinum, en fjelagskonur allar hjálpast
að við að hirða hann, og hafa þær sýnt mikla fórnfýsi og dugnað.
— Þá vil jeg geta þess, að hreppurinn styður þetta framtak með
3000.00 kr. é ári og margir hafa gefið okkur dagsverk, t. d. var
okkur gefin mestöll vinna við bæinn, og Ragnar Konráðsson, sem
átti helming af þessari landareign, gaf okkur sinn hluta, en sú
upphæð nam 5000.00.
Það sem mest háir starfi sem þessu, er kostur á hæfu fólki til
leiðbeiningar, og saknar maður nú sáran garðyrkjukvennanna
góðu, sem ferðuðust um fyrir nokkrum árum og unnu mikið og