Valsblaðið - 01.05.2008, Qupperneq 32

Hoppandi kálir Islandsmeistarar 2008. Frá
vinstri. Ragnheiður Jónsdóttir Iiðstjóri, Elísabet
Gunnarsdóttir og Freyr Alexandersson þjálfarar
og Ólafur Pétursson markmannsþjálfari.
með yngri flokka og meistaraflokk og
ekkert annað. Liðið er líka með tvö önn-
ur varalið sem spila í annarri deild og ég
get því kippt leikmönnum yfir til mín ef
mér sýnist svo. Það er átta manna stjórn
í félaginu, bara fyrir okkur. Ef ég ber
upp erindi fer það ekki í röð eftir erind-
um úr handbolta og körfubolta, yngri
flokkum eða öðru. Fókusinn er algjör-
lega á kvennaboltanum. í Kristianstad
búa um 33.000 manns og bærinn er í alla
staði mjög kósí. Að meðaltali mæta 1400
manns á leik og liðið fékk nokkrum sinn-
um yfir 3000 manns á leiki síðastliðið
sumar.“
- Hvaða möguleika á liðið í sœnsku
deildinni?
„Kristianstad er annað af tveimur lið-
um í sænsku deildinni sem ég hef aldrei
séð spila. Ég hef þó séð það í þrem-
ur leikjum á DVD. Ef ég dæmi liðið út
Hjónin Elísabet Gunnarsdóttir og
Gylfi Sigurðsson á handboltaleik í
Vodafonehöllinni.
frá því er það að svipuðum styrkleika og
Valur. Mér er alveg sama hvernig hóp ég
er með, ég ætla klárlega ofar á töfluna
með liðið.“
- Mega fleiri stelpur frá lslandi eiga
von á símtali frá þér en þœr tvœr sem þú
hefur fengið?
„Þetta er nóg í bili. Ég vil ekki vera
með einhverja innrás í Svíþjóð?"
- Hvað hefur þú helst haft að leiðar-
Ijósi sem þjálfari?
„Ég hef alla tíð unnið mjög nálægt
hópnum og fengið gagnrýni fyrir það
að vera of góður vinur leikmanna. Ég
hef tekið þann pól í hæðina að vera vin-
ur þeirra en að sama skapi finna þann
gullna meðalveg sem þarf að vera á milli
þess að halda aga og léttleika. Það hefur
gengið ótrúlega vel hjá okkur undanfar-
in ár. I kvennaliði er mikilvægt að þjálf-
ari viti hvað sé í gangi bæði innan hóps-
ins og hjá hverjum einstaklingi. Stelpur
eru töluvert flóknari tegund en strákar
og það er svo margt að gerast á unglings-
árum stelpna. Ég hef haft það að leiðar-
ljósi að reyna að auka gæði þjálfunarinn-
ar ár frá ári. Mér hefur fundist auðvelt að
hafa yfirburði á því sviði á íslandi því
það er of fáir þjálfarar sem leggja líf og
sál í þjálfunina og leggja sig fram við að
bæta þjálfunina milli ára. Þjálfunin hjá
mér hefur aldrei verið þannig að ég sé
að mæta í vinnuna og bíða eftir að henni
ljúki. Þetta er spurning um að vaka og
sofa yfir starfinu.
Þegar ég var með stelpurnar í 3. flokki
fannst mér ég vera með bestu stelpur í
heimi. Mér leið eins og ég væri heppnasti
þjálfari í heimi. Það má eiginlega segja
að ævintýri okkar hafi byrjað á Gothia-
Cup. Við ætluðum að vinna það mót þótt
það væri stærsta barna- og unglingamót
í fótbolta í öllum heiminum. Við trúðum
að við gætum það þótt það væri óraun-
hæft. Við náðum 3. sæti tvö ár í röð og
2. flokkur spilaði eitt sinn til úrslita. Upp
úr því fórum við að ræða það að verða
fyrsta liðið sem færi í Evrópukeppni til
að ná einhverjum árangri, jafnvel þótt
það væru nokkur ár í það. Við vissum
líka að fyrst yrðum við að verða Islands-
meistarar til þess að vinna okkur inn
keppnisrétt í Evrópukeppninni. I milli-
tíðinni skrapp ég í Breiðablik og til Vest-
mannaeyja en engu að síður misstum við
Valsmenn aldrei sjónar á markmiðinu.
Þessi markmið settum við okkur þeg-
ar stelpurnar voru 13-14 ára og við höf-
um náð þeim. Eitt af markmiðunum var
að stelpurnar yrði uppistaðan í landsliði
sem næði afburða árangri. Með það að
markmiði þjálfaði ég U-21 árs landslið-
ið sem náði frábærum árangri árið 2006
en ég var ótrúlega heppin að fá tækifæri
til þess að þjálfa þar þá árganga sem ég
hafði unnið mest með í yngri flokkunum.
Þá fórum við taplausar í gegnum riðilinn
sem í voru auk okkar, Norðmenn, Banda-
ríkjamenn og Danir. Ef einhver segir við
mig að eitthvað sé ekki hægt þá vil ég
sanna að ég geti það. Þá hugsun hef ég
líka reynt að prenta inn í leikmennina.“
- Hvaða eiginleika þarf góður þjálfari
að hafa til að bera?
„í fyrsta lagi þarf hann að vera tilbú-
inn að verja miklum tíma í starfið. Mjög
margir mættu gera betur hvað það varð-
ar. Undirbúningur fyrir æfingar skiptir
máli, markmiðasetning fyrir hópinn, ekki
bara einstaklingana og svo framvegis. Ég
vil klára mig algjörlega á hverri einustu
æfingu eins og ég vil að leikmenn geri.
Ég finn þegar ég gef mig ekki 200% í
starfið. Ef ég er ekki þreytt eftir æfinguna
hef ég ekki gefið mig nógu mikið í hana.
Lykillinn að því er góður undirbúningur.
Til að vera góður þjálfari þarf maður að
vera tilbúinn að taka hluti frá öðrum. Ég
hef reynt að tileinka mér það síðustu ár.
Það er mikilvægt fá aðra þjálfara í heim-
sókn, horfa á æfingar hjá öðrum, fá gagn-
rýni á það sem maður gerir og svo fram-
vegis. Það þora ekki allir að fá þjálfara til
að vinna með sér á jafnræðisgrunni, eins
og við Freyr gerðum síðastliðið sumar.
Það var kostur fyrir okkur bæði að þora
32
Valsblaðið 2008