Morgunn - 01.06.1975, Blaðsíða 41

UNDRALÆKNINGAR Á FILIPPSEYJUM
39
þeirra eða fjármuni áður en hann sker þá upp. Hins vegar
tekur hann við því sem honum er boðið — hvort sem það eru
nokkrir aurar eða meira fé — það skiftir hann engu —. Hið
guðdómlega afl sem starfar gegn um Tonio kallar hann
Verndarann og það er hann sem ræður ferðinni. Læknisþjón-
usta er því veitt öllum, án tillits til fjárhags, litarháttar, trúar-
bragða eða stöðu i lífinu.
Maður heitir Harold Sherman. Hann er forseti og fram-
kvæmdastjóri mikillar sálarrannsókna-stofnunar í Little Rock í
Arkansas í Bandaríkjunum. Hann hefur skrifað bók, sem
vakið hefur mikla athygli um þessar undralækningar á
Filippseyjum og þá sem þær stunda, en þeir eru fleiri en
Antonio Agpaoa.
Sherman kemst meðal annars svo að orði í formála að bólc
sinni:
„I janúarmánuði 1966 var ég þrjár vikur á Filippseyjum
ásamt William Flenry Belk, sem er mjög kunnur ameriskur
kaupsýslumaður, og dr. Hiroshi Motoyama, japönskum vis-
indamanni, sem var að rannsaka þessa uppskurði, sem sagt
var að Antonio Agpaoa og aðrir svokallaðir undralæknar
gerðu með berum höndum fyrir atbeina sálræns afls.
Skömmu á undan okkur höfðu komið til Filippseyja þeir
Robert Swope stjörnulíffræðingur, sem unnið hefur við rann-
sóknarstöð mannaðra geimferða í Los Angeles og dr. Nelson
Decker og höfðu þeir tekið talsvert af kvikmyndum.
Síðar bættist i hópinn dr. Seymour S. Wanderman, kunnur
læknir og sérfræðingur í krabbameini frá New York. Allir
vorum við vitni að margs konar uppskurðum, en viðbrögð
okkar voru mismunandi, eins og. vænta mátti um menn með
svo ólika menntun og starfsvið. Hvað sjálfan mig snertir kem
ég fyrst og fremst fram í þessari bók sem sögumaður, þótt
ég hafi einnig gegnt hlutverki áhorfandans og rannsókna-
mannsins. En ég er ekki læknir. Ég er ekki skurðlæknir. Ég
er ekki vísindamaður. Hins vegar hef ég helgað síðastliðin
fjörutíu ár ævi minnar rannsóknum á því sem nú á tímum
er kallað yfirskilvitleg skynjun eða ESP.