Morgunn - 01.06.1975, Page 44
42
MORGUNN
Þessi ósýnilegri verndari er ævinlega viðstaddur uppskurði
hans.
Tonio er alveg sérstaklega geðslegur maður. Hann virðist
vera greindari en gengur og gerist meðal landa hans, enda
þótt hann hafi einungis barnaskólamenntun. Hann hefur
ferðast talsvert sökum þess að auðug kona kostaði hann eitt
sinn i hnattför og sýndi hann þá hæfileika sína meðal annars
á Indlandi. Hann á mikinn fjölda fylgismanna. Hann varð
meira að segja að flytja úr miðborg Manila til úthverfis og
setti ekkert númer á hús sitt til þess að kafna ekki alveg í
lækningabeiðnum, sem einkum berast frá blásnauðu og ó-
menntuðu fólki. Hann er góður maður og andlega þroskaður.
Þegar Tonio var um tíu ára gamall, þá færði einhver sér
sakleysi hans í nyt með því að segja honum að beita hæfi-
leika sínum til þess að finna gullstengur, sem Japanir höfðu
falið í fjöllunum í stríðinu. Tonio féllst á þetta, en verndara
hann geðjaðist ekki að þessari misbeitingu hinna andlegu
krafta. Hann hegndi honum því með þvi að svifta hann
nokkru af lækningamættinum. Um þetta leyti var sagt að
hann hafi verið svo magnaður, að hann hafi getað látið rós
bráðna og breytast í vökva með því einu að horfa á hana.
Eftir þetta hafði hann að vísu enn æma hæfileika sem læknir
og skyggnir og stundum bregður fyrir dulheyrn hjá honum,
en síðan hefur hann aldrei misnotað hæfileika sina.
Hraði hans við lækningarnar er ótrúlegur. Eitt sinn gerði
hann 317 uppskurði á einum sólarhring. En að jafnaði ann-
ast hann frá tíu til tuttugu uppskurði á dag. Hann þarf ekki
að auglýsa. Fólk fréttir af lækningum hans og kemur til þess
að leita hjálpar. Flest er þetta fólk ólæst. Hann fer ekki fram
á neina greiðslu, en lætur gott heita, ef einhverju er vikið
að honum. Vitanlega geta margir þeirra vesalinga sem til hans
leita ekki greitt grænan eyri, en þeir fá lækningu engu að
síður.