19. júní - 19.06.1983, Qupperneq 35

BÖRNIN - ATVINNULÍFIÐ - SKÓLINN
þeim eftir þörfum hvers og eins. Sem
dæmi um aukna hagræðingu fyrir bæði
heimili og skóla má nefna tilraunir
með skólanesti sem hafa reynst ágæt-
lega og í framtíðinni gætu skólarnir ef
til vill með aðstoð örbylgjutækninnar
boðið upp á fjölbreyttara fæði en þau
fá flest í hádeginu heima hjá sér, án
þess að það þurfi að vera mjög kostn-
aðarsamt fyrir skólana. Og framtíðar-
draumurinn er sá að börnin þurfi ekki
að fara nema einu sinni á das: í skól-
ann.”
Skólatími —
samvistir fjölskyldunnar
Við ræðum nú skólatíma barnanna
og Áslaug segir að henni finnist æski-
legt að lengja skóladag yngstu barn-
anna, en hins vegar mætti ef til vill
stytta hann hjá elstu árgöngum grunn-
skólans.
„Leggja þarf meiri áherslu á að
kenna börnunum að læra meðan þau
eru ung. Rannsóknir á öllu námi sýna
að námið er einstaklingsbundið og
persónulegt, nemandinn þarf að fá að
glíma við viðfangsefnin sjálfur og það
þarf að leggja mun meiri áherslu á
sjálfstæð vinnubrögð nemendanna allt
frá upphafi skólagöngunnar. Þess
vegna þarf skóladagur yngri barnanna
að verða lengri, hvert barn þarfaðgeta
unnið verkefnin á þeim tíma sem hent-
ar því best, og þau þurfa að fá að læra í
leik, kennslufræðilega skipulögðum
leik. Með því móti verða þau betur
undirbúin undir framhaldsnám og allt
annað nám síðar á lífsleiðinni.”
— Nú hefur mikið verið rætt um
breytt hlutverk skólanna á undan-
fömum árum, að uppeldishlutverk
skólanna hafi aukist. Hvað viltu
segja um það?
, Jú, það hefur vissulcga aukist mik-
ið. En hins vegar er ég á þeirri skoðun
að yfirleitt þurfi foreldrar að sinna
börnum sínum betur en þeir gera í
dag. Skóladagarnir eru einungis um
170 á ári hverju og börnin því mun
fieiri daga með foreldrum sínum en
kennurunum. Ég held að mun meiri
áherslu ætti að leggja á að foreldrar
ræddu við börnin sín og fræddu þau
um eitt og annað. Börn læra ekki ein-
göngu í skólunum en það er orðið of
algengt í dag að foreldrar kenni skól-
unum um allt sem miður fer. Börnin
þurfa einnig mjög mikið á því að halda
að byggja upp persónulegt samband
við einhvern fullorðinn, og kennari
sem er með 25—30 nemendur í bekk
hefur ekki tök á að sinna hverju og einu
barni á sama hátt og foreldrarnir.
Ef hægt væri að hjóða upp á sama
vinnudag fyrir alla, heimilisfólkið færi
saman á fætur á morgnana og borðaði
saman morgunverð og aftur kvöldverð
á kvöldin, þá tel ég að búið væri að ná
fram þó nokkurri kjölfestu sem vantar.
Matartíminn er venjulega besti sam-
verutími fjölskyldunnar og því mjög
slæmt ef heimilisfólk sest jafnvel aldrei
niður saman svo dögum skiptir til að
njóta samveru og ræða ýmis hvers-
dagsleg málefni.
Innra starf skólans
Ymislegt þyrfti einnig að lagfæra í
innra starfi skólanna, m.a. með auk-
inni samkennslu og meiri sveigjan-
leika. Þá þyrfti vinnudagur kennar-
anna einnig að vera sem líkastur til að
þeir gætu skipulagt samstarf. Mikil-
vægt er einnig að sami kennarinn geti
kennt yngstu nemendunum sem flestar
námsgreinar þannig að hann kynnist
nemandanum á sem flestum sviðum.
Breyta þarf því viðhorfi að líta á sumar
námsgreinar sem aukagreinar og bera
minni virðingu fyrir þeim en t.d. bók-
legu greinunum, en ég tel að þær fjórar
bóklegu greinar sem samræmdu prófin
eru tekin í hafi ýtt undir þetta viðhorf.
Síðast en ekki síst þarf að auka
tengsl milli heimila og skóla til mikilla
muna ef góður árangur á að nást í
skólastarfinu.”
Það er nú farið að nálgast hádegi og
við þurfúm að hafa hr'aðann á til að
keyra langar vegalengdir heim á leið til
að taka á móti börnunum okkar úr
skólanum. Við spyrjum Áslaugu að
síðustu hvort allt tal um samfelldan
skóladag verði ekki orðið úrelt eftir
nokkur ár, þegar hver og einn getur
setið heima hjá sér með tölvuna sína og
lært það sem hann lystir?
,,Nei,” segir Áslaug um leið og við
stöndum á fætur. ,,En tölvan getur
leyst af hendi ýmis vandamál sem
fylgja fræðslulílutverki skólanna og
hefur áreiðanlega í för með sér enn
frekari breytingar á kennarahlutverk-
inu, hlutverk hans verður meira skipu-
lags- og leiðbeinendastarf.”
Valgerður Jónsdóttir
i—i—i i r í i i m i i—i
111 rn 11 riTi
I II I II II II
mm
n i i 11 i i i i
jrm wú
<s
BltUNÍABOTAFELAG ISUANDS
35