19. júní - 19.06.1983, Blaðsíða 42

sjálfum. Þetta er eina verkefnið sem
talist getur persónulegt. Aður en að
þessu verkefni kemur hafa verið unnin
nokkur minni verkefni s.s. stutt ávarp í
upphafi eða við lok hvers fundar. Hóp-
verkefni eru mörg og bæði fjölbreytt og
skemmtileg. En sjálfskynningarræðan
er fyrsta alvöruræðan í þjálfun hverrar
málfreyju og þegar maður er búinn að
vera í samtökunum nokkurn tíma, er
alltaf eitthvað hátíðlegt, fmnst mér,
við að hlusta á einmitt þessa ræðu.“
Það kemur fram í spjalli okkar að
Kristjana hefur starfað í Málfreyju-
deildinni Kvisti í fimm ár en starfar
ekki sem stendur. Aðspurð hvernig
henni hefði fallið að starfa í þessum
félagsskap segir hún að það hafi sér
fallið alveg ljómandi vel.
,,Eg hafði ánægju að starfinu vegna
félagsskaparins og eins var skemmti-
legt og hvetjandi að finna framfor bæði
hjá sjálfum sér og öðrum.“
— Telur þú að starfið þar hafi á
einhvem hátt gert þér auðveldara
fyrir á öðmm vettvangi?
, Já, það tel ég. Þegar yngsta barnið
fór að stálpast byrjaði ég að velta því
fyrir mér, hverjir möguleikar mínir
væru á að hefja starf utan heimilis;
gagnfræðaprófið mitt var orðið 20 ára
gamalt, eins og ég sagði áðan.
Tveimur árum eftir að ég gekk í
Málfreyjusamtökin fór ég út í nám, ég
innritaði mig í verslunarbraut hjá
Námsflokkum Reykjavíkur og lauk
verslunarprófi eftir tveggja ára nám,
en það er hluti af venjulegu íjöl-
brautarnámi. Skólinn starfar sem
kvöldskóli alla virka daga vikunnar f'rá
kl. 18.40 - 22.20. Ég tel það hiklaust
vera Málfreyjustarfinu að þakka að
ég fór út í þetta nám.
Mig langar að koma því að hérna að
skólinn býður líka upp á styttri náms-
brautir, sjálfstæð námskeið í hagnýt-
um verslunar- og skrifstofustörfum
sem eru tvö kvöld í viku, ýmist einn
eða tvo vetur að vild. Það er kennd
bókfærsla, vélritun og skjalavarsla og
ég veit að þetta nám er mjög vinsælt.
Þessi námskeið eru sótt jafnt af konum
sem alls enga starfsreynslu hafa og
þeim sem unnið hafa á skrifstofum.
42
Með skólahaldi af þessu tagi má mikið
hjálpa þeim konum sem lengi hafa
staðið utan við atvinnulífið.“
— Vilt þú ráðleggja öðrum kon-
um að ganga í Málfreyjusamtökin?
,Já. Starfið er afar fjölbreytt og
það er bæði hægt að byrja á smáu og
fara hægt afstað, eða með meiri hraða,
allt eftir áhuga hverrar konu. Það er
líka eins og Málfreyjuþjálfunin sjálf
dragi fram hæfileika og hreinlega finni
þá hjá félögunum. Það starfa átta
fastanefndir í hverri deild og stjórnar-
skipti eru á hverju ári. Þar sem aðeins
starfa 30 konur í hverri deild, kemur
það af sjálfu sér að allar konurnar eru
virkar og verða einhvern tíma að taka
að sér forystu. Þetta tel ég ótvíræðan
kost.“
— Að lokum, Kristjana, dálítil
samviskuspuming; þú virðist harla
ánægð með Málfreyjusamtökin, en
er ekki eitthvað þar sem er öðmvísi
en þú kysir sjálf?
, Jú, mér þykir gott að vera spurð að
þessu, því að mér hefur alltaf fundist
aldursdreifing innan Málfreyjudeild-
anna of einhæf. Langflestar kvenn-
anna eru á aldrinum 30 til 45 ára, en ég
held að það væri mikill ávinnningur
fyrir samtökin ef þau næðu meira til
yngri kvenna og þeirra eldri. Sérstak-
lega mættu þær eldri vera miklu lleiri
þó svo að vissulega séu margar konur í
samtökunum sem eru eldri en 45 ára.
Ég tel að það sé ekki hvað síst þessar
konur sem þurfa á málfreyjuþjálfun-
inni að halda og þar við bætist að
reynsla þeirra er þeim yngri alveg
ómetanleg. Það eru þessar konur sem
hafa af mestu að miðla.“
Fjölbreytt úrval
snyrtivara fyrir
dömur og herra
TOPPTÍSKAN
AÐALSTRÆTI 9 — SÍMI 13760
Viðtöl:
Jóhanna Birgisdóttir
Hugtakið sjálfsstyrkur er tiltölulega
nýtt í íslensku máli, en hljómar þó
ugglaust kunnuglega í eyrum margra.
Undanfarna mánuði hefur mátt sjá í
blöðum auglýsingar um námskeið í
sjálfsstyrkingu fyrir konur. Það er
ungur sálfræðingur, Anna Valdimars-
dóttir, sem stendur fyrir námskeiðun-
um. Anna rekur sálfræðiþjónustu að
Bræðraborgarstíg 7 í Reykjavík og
þangað var haldið til að spjalla við
hana, því okkur þótti forvitnilegt að
fræðast ögn nánar um námskeiðin og
ekki síður um hugtakið sjálfs-
styrkingu.
„Sjálfsstyrkur felur í sér sjálfsvirð-
ingu, virðingu fyrir eigin rétti, þörfúm
og óskum og virðingu fyrir rétti og
tilfinningum annarra án þess að vera
undirgcfin."
— En er það ekki svo að menn
sýna oft undirgefni er þeir eiga
samskipti við þá sem eldri eru,
hærra settir eða betur menntaðir
en maður sjálfur?
,JÚ, og þess vegna er nauðsynlegt að
geta látið í ljós hugsanir sínar, skoð-
anir og tilfinningar á hreinskilinn og
viðeigandi hátt. Grundvallar hugsun-
in í sjálfsstyrkingu er þessi: Þctta er
það sem mér finnst, þessar tilfinning-
ar vekur þetta hjá mér og svona lít ég
á málið. Sýndu eitthvað af sjálfum
þér, tjáðu öðrum hver þú ert án þess
að gera lítið úr eigin persónu eða
viðmælanda þínum.