Búfræðingurinn - 01.10.1951, Blaðsíða 32
Veðurathuganir mínar
Eftir Kolbein Kristinsson
Við fyrstu athugun vekur það furðu, að forfeður vorir á 13.
öld skrifuðu ekki veðurbækur eða nákvæmar veðurfarslýsing-
ar. Þeir stunduðu þó fræðimennsku og ritstörf af innri hvöt,
skráðu stórar bækur um menn og málefni margs konar. Og
tiltækt var þeim að mála skýrum litum og skörpum dráttum
rás atburða, orsaka og afleiðinga. Ætla má, að þeim hafi
þótt sem í veðurfarslýsingum skyrti höfunda líffrjó, mann-
fræðileg viðfangsefni. Ritmennska, án mannlýsinga og mann-
fræði, var þeim engin íþrótt, engin fullkomleikaraun, og því of
dauf og hversdagsleg. Þó er það víst um skáldin, sem í hugar-
inni sínu hafa sterka hneigð til þess að yrkja um menn og
mannlegar eigindir, að þau marka og móta mannleg einkenni
og sérkenni á himin og liaf, stjörnur og sól, vetur og vor. Grím-
ur lítur á hafið sem stórbrotna, dulúðga konu, Bjarni málar
vetur í líki hins herskáa manns, og Stephan G. Steplianss. lítur
;í vorið sem líffrjóa dís. Á sama liát.t má, nreð gaumgæfum sam-
anburði margra vetra og margra sumra, finna sérkenni sam-
nefndra árstíða, sem eru algerlega hliðstæð skapsmunasérkenn-
um manna. Sumir vetur eru grettir og gráir, aðrir mildir og
mjúkir, sumir jafnvel Iivort tveggja í senn, eftir því sem stend-
ur af sér um lægðir og háþrýstisvæði. Sumir eru hversdagslegir
og meinhægir, eða eins og fólk er flest, en aðrir eru stórfeng-
legir í blíðu og stríðu. Nokkrir vinna upp sín gæði — og meir
en það, og aðrir bæta upp skapybbni sína með mildri sunnan-
átt á þeim tíma, er bezt hentar og þegar mest þörf kallar. Nokk-