Búfræðingurinn - 01.10.1951, Blaðsíða 146
Skógræktarfélag Eyfirðinga
Ármann Dalmannsson
Vegna vaxandi áhuga fyrir hinni miklu nauðsyn, að reyna að klæða
landið að nýju, meðal annars með því að rækta skóga, hef ég farið
þess á leit við Ármann Dalmannsson, framkvæmdastjóra Skógræktar-
félags Eyfirðinga, að hann sendi „Búfræðingnum“ greinargerð um
þróun félagsins. Skógræktarfélag Eyfirðinga er nú tuttugu ára og
mun vera fyrsta félag hér á landi, sem stofnað er eingöngu með því
markmiði að vinna að skógrækt.
Greinar, slíkar sem þessi, eru „Búfræðingnum“ kærkomnar og
mættu verða ungum mönnum hvöt til þjóðnýtra starfa.
G. B.
Sunnudaginn 11. maí 1930 gerðust þau tíðindi á Akureyri að
stofnaður var félagsskapur til þess eingöngu að vinna að fram-
gangi skógræktar á íslandi. Stofnendur voru aðeins 12 að tölu.
Fyrsti formaður félagsins og hvatamaður að stofnun þess var
Jón Rögnvaldsson, garðyrkjumaður í Fífilgerði. Aðrir í fyrstu
stjórn félagsins voru Jónas Þór, verksmiðjustjóri, og Bergsteinn
Kolbeinsson, bóndi í Kaupangi.
Ymiss konar annar félagsskapur, auk framtakssamra einstakl-
inga, hafði áður, frá því fyrir og eftir aldamótin síðustu, tekið
skógræktarmálið til meðferðar og vakið skilning manna og
áhuga fyrir gildi þess. F.inna áhrifaríkust mun hafa verið starf-
semi Ræktunarfélags Norðurlands á fyrstu áratugum aldarinn-
ar og svo starfsemi ungmennafélaganna víðs vegar um landið.
F.n þetta félag, sem varð til á Akureyri 1930, mun vera það
fyrsta hér á landi, sem stofnað er vegna skógræktarinnar ein-
göngu, og var í upphafi ætlað það hlutverk, að vera landsfélag