Frjáls verslun - 01.10.2002, Page 41

seinna en í janúar eða febrúar,“ svarar Óskar
og vill lítið tala um það á hvaða sviði sam-
keppnin verði hörðust, segir að markaðsað-
gerðir fyrirtækisins komi í ljós jafnt og þétt
enda sé hluti af markaðsstarfinu „hið
óvænta sem í því kann að felast, að minnsta
kosti gagnvart keppinautunum.“
Hagkvæmt eða óhagkvæmt? Brynjóifur
hefur verið að taka sér tíma í að kynnast
starfseminni, fara í gegnum verkþáttagrein-
ingu og þannig meta stöðuna og þær breyt-
ingar sem hann telur þurfa að gera til að búa
Símann undir samkeppnina. Landssiminn
hefur eytt mun hærri krónutölu í markaðs-
og auglýsingastarf en fyrirtækin innan
Íslandssíma enda er það í samræmi við
veltu. Brynjólfur segir að hlutfallið sé 2-2,5
prósent og það sé minna en hjá sambærileg-
um fyrirtækjum í Bandarikjunum og Evr-
ópu. Nú sé verið að endurskoða þessi mál.
Einn liður í því sé það hvernig eigi að beita
markaðskostnaði.
Landssíminn hefur yfirgnæfandi mark-
aðsstöðu gagnvart Íslandssíma í heildina
litið og telur Óskar að þar gildi hlutföllin 75
á móti ríflega 20 prósentum. Þessar tölur
segja þó ekki alla söguna. Landssímanum er
skylt að þjóna öllu landinu meðan Islands-
sími getur einbeitt sér að þéttbýlisstöð-
unum. Samkvæmt rekstrarleyfi Landssím-
ans er fyrirtækinu skylt að þjóna ákveðnu
hlutverki, bjóða t.d. upp á heildstæða þjón-
ustu á sama verði alls staðar og leggja og við-
halda símalínum út um allt land, hvort sem
sú þjónusta er hagkvæm eða ekki.
Brynjólfur bendir á að réttast sé að horfa á
einstaka hluta markaðarins enda sé það í
samræmi við þróunina innan Evrópusambandsins og í
nágrannalöndum íslendinga. Frjáls verslun hefur heimildir
fyrir því að Landssíminn hafi 65% markaðshlutdeild í farsíma-
notkun, ADSL-tengingum og útlandaumferð á Netinu á móti
35% Íslandssíma, 85% í talsímaþjónustu á móti 15% Islandssíma
og 70% í fyrirtækjatengingum gegn 30% Islandssíma. Af
þessum tölum sést að Landssíminn hefur gríðarlega sterka
stöðu, sérstaklega þó í talsímaþjónustunni.
„Við erum taldir hafa það sterka markaðsstöðu að menn
hafa gætur á Landssíma íslands og fylgjast með þvi hvernig
fyrirtækið keppir við önnur fyrirtæki á markaði. Sem dæmi er
okkur ekki heimilt að bjóða lægra verð en keppinautur okkar
á mjög mörgum sviðum. Þarna tel ég að viðhorfin muni breyt-
ast og að Landssíminn fái aukið svigrúm til að fara í samkeppni
við Íslandssíma og önnur fyrirtæki á markaðnum. Til lengri
tíma litið þýðir þetta að verð ætti að koma neytendum til góða,“
segir Brynjólfur og minnir á að Síminn þurfi að hlíta nokkuð
skýrum reglum í starfsemi sinni og leita til Samkeppnisstofn-
unar eða Póst- og ijarskiptastofnunar út af mörgum atriðum.
Við endurskilgreiningu á markaðnum segir hann að sótt verði
um aukið athafnafrelsi. Ef það fáist þá muni Síminn að sjálf-
sögðu sækja á hið nýsameinaða fyrirtæki Islandssíma.
Brynjóljur Bjarnason, forstjóri Landssíma Islands. „ Við erum taldir hafa það sterka markaðs-
stöðu að menn hafa gætur á Landssíma íslands ogjýlgjast með því hvernig fyrirtækið keþþir
við önnurfyrirtœki á markaði. Sem dæmi er okkur ekki heimilt að bjóða lægra verð en keþþi-
nautur okkar á mjög mörgum sviðum. Þarna tel ég að viðhorfin muni breytast. “
Meta Stöðuna upp á nýtt „Við, ég og stjórn þessa fyrirtæk-
is, höfum leyft okkur að segja að við búum okkur undir það
að markaðshlutdeild okkar muni minnka. Það er eitt af hlut-
verkum okkar að reka fyrirtækið með þeim hætti að geta lag-
að það að minni markaðshlutdeild með því að beita meiri hag-
ræðingu og straumlínulaga kostnað þannig að arðsemin
gagnvart eigendum haldist," segir hann og hafnar því að nota
orðalagið „skipulagt undanhald“ í samkeppninni, kveðst frek-
ar vilja tala um að draga víglínuna. „Maður er að draga nýjar
víglínur, sífellt að meta stöðuna upp á nýtt og laga fyrirtækið
eftir því. Óskar situr hinum megin við víglínuna og er líka
stöðugt að draga nýja víglínu, sækja fram og hörfa eins og
gengur," segir hann.
Samkvæmt heimildum Frjálsrar verslunar má búast við að
samkeppnin verði helst á fyrirtækjamarkaði, þar sem Islands-
sími hefur einmitt verið að fá mjög stór viðskipti upp á
síðkastið, t.d. Eimskipssamstæðuna og Orkuveitu Reykjavikur.
Búast má við að fjarskiptaþjónusta til ríkisins verði boðin út á
næsta ári, þar sem ríkið hefur lýst því yfir að það hyggist spara
600 milljónir króna, og þá opnist stofnanamarkaðurinn. ADSL-
þjónusta hefur einnig verið mjög vinsæl og má búast við að
samkeppni harðni eitthvað á því sviði. Œj
41