Morgunn - 01.12.1977, Blaðsíða 13
HAFSTEINS MINNST
91
upp þótt ég minnist ekki á fleiri í þessum fáu orðum, því
marga á hann vinina og góða, en þetta fólk dugði honum hest
þegar mest lá við. Þ. e. meðan hann var að vinna upp sjálfs-
traust sitt.
tJtför Hafsteins Björnssonar fór fram í kyrrþey með lát-
lausri athöfn í viðurvist nokkurra Arina hans og vandamanna
í Fossvogskapellu þann 1. sept. s.l. Þessi háttur var á hafður
samkvæmt eindreginni ósk Hafsteins sjálfs. Það sem mér
fannst setja sérstakan hlæ á þessa athöfn var heillandi ein-
söngur og kórsöngur. Minnist ég þess ekki að hafa heyrt
annan eins kór syngja við slík tækifæri. Enda kom i ljós að
þarna voru komnir ýmsir af kunnustu einsöngvurum þjóðar-
innar til þess að kveðja Hafstein með þessum töfrandi hætti.
Þetta ágæta tónlistarfólk hefur ekki látið þar við sitja, heldur
hefur það einnig hafið söng sinn hér í kvöld og veit ég að það
er og verður öllum viðstöddum til ununar.
F.inn góður vinur Hafsteins tók mig tali eftir útfararat-
höfnina og sagði við mig fyrir utan kapelluna: „Ég lief nú
verið við ýmsar útfarir, en aldrei hef ég séð aðra eins dá-
semd og í dag.“ Hann var hér að lýsa hinum ósýnilegu gest-
um sem ásamt Hafsteini sjálfum voru viðstaddir athöfnina,
því þessi vinur hans er skyggn. Ég bað hann að skrifa niður
lýsingu á þessu jafnskjótt og hann væri kominn heim. Það
gerði hann og hann hefur gefið mér leyfi til þess að lesa þessa
skyggnilýsingu hér á þessu minningarkvöldi. En að hætti
margs dulræns fólks vill hann ekki láta nafns sins getið.
Þetta er lýsingin á þvi sem hann sá:
„Fimmtudaginn 1. september 1977 var ég við útför Haf-
steins Björnssonar miðils. Þegar ég var sestur aftarlega í kirkj-
unni ásamt kunningjafólki mínu og byrjað var að syngja,
finnst mér allt í einu að ég sjái inn í stóran sal, þar sem er
hátt til lofts og vitt til veggja. Sé ég þar fjölda manns í hvít-
um kyrtlum og virðist mér þeir standi heiðursvörð í röðum.
Bil er á milli raðanna og fvrir endanum á þessum röðum
stendur hár og tignarlegur maður og lyftir upp höndum. Þá
sé ég hvar Hafsteirm stendur inn á milli raðanna og er hann