Morgunn - 01.12.1977, Blaðsíða 32

110
MORGUNN
Matthew stundaði nám í heimavistarskóla á þessum árum
og þar tóku að gerast hvers konar undur. Stór og þung tveggja
manna stálrum fluttust til með piltum í svefnskála þeirra og
livers konar hlutir birtust úr lausu lofti, jafnvel hnífar sem
flugu gegnum loftið og enginn vissi hvaðan komnir voru.
Skýrir Matthew frá því hvernig þessi ókyrrð var næstum
orðin því valdandi að hann væri rekinn úr skóla, þótt hann
hefði vitanlega enga stjórn á þessum fyrirbærum. Þessari
ókyrrð linnti ekki fyrr en Matthew tók að skrifa ósjálfrátt,
en þá virðist sá kraftur i honum sem nauðsynlegur var til
þess að hreyfing hlutanna gæti átt sér stað hafa farið í að
framkvæma hina ósjálfráðu skrift, því þá komst aftur á kyrrð
i kringum hann.
Ósjálfráða skriftin hafði þann stórkostlega kost i för með
sér fyrir Matthew, að með henni náði hann valdi á hreyf-
ingafyrirbærunum og gat nú komið í veg fyrir þau marg-
víslegu vandræði sem stafað höfðu af þeim fyrir hann.
En ekki dró úr undrun manna þegar hann fór að skrifa
ósjálfrátt, því þá tóku að birtast á blöðum hans hvers konar
boð, að því er virtist frá látnu fólki. Boð þessi voru ákaflega
margvísleg og misjafnlega merkileg. Sumt voru skilaboð til
eftirlifandi ættingja og þar á meðal má nefna boð frá afa
Matthews sjálfs, sem lýsir í einstökum atriðum með hverjum
hætti lát sitt hafi að höndum borið og hvað hafi gerzt fyrst
eftir að hann yfirgaf líkamann. Langflest þessara boða voru
þó frá fólki sem Matthew hafði aldrei áður heyrt getið um og
þekkti ekkert til og á ýmsum mismunandi tungumálum, jafn-
vel á tungumálum sem Matthew hafði aldrei lært og botnaði
því ekkert í. Þau varð því að þýða. öll voru boðin skrifuð
með allt annarri rithendi en Matthews og í þeim tilfellum,
sem hægt var að ganga úr skugga um það, hvort rithöndin
hefði i rauninni tilheyrt viðkomandi sendanda (eins og í til-
fellinu um afa Matthews) þá kom í ljós að þetta var rithönd
hins látna. Eins og að framan getur voru flestar undirskriftir
boðsendara nöfn fólks sem Matthew hafði aldrei heyrt getið
um, en þó voru nokkur frá alkunnum persónum, eins og t.d.