Morgunn - 01.12.1977, Side 18

96
MORGUNN
lestra, og varð að fá algera hvíld frá störfum. Þetta varð raun-
verulega til þess að hann hætti að starfa fyrir kirkjuna.
Hann fékkst við einkakennslu um nokkur ár, en árið 1870
var hann skipaður kennari í ensku i University College School
og því starfi gengdi hann í 19 ár en sagði þá af sér sökum
vanheilsu.
Það var árið 1870, sem hann fyrst fékk áhuga fyrir spiri-
tisma. Um það leyti var hann orðinn fráhverfur hókstafstrú
eða því nær trúlaus, og var að leita að einhverjum sannleika,
sem hann gæti fellt sig betur við en rikjandi kennisetningar.
Hann hafði ekkert hneigzt að spiritisma og taldi það málefni
hugaróra og vitleysu.
Á fundum hjá miðlunum Lottie Fowler og Williams, sann-
færðist hann um, að einhver utanaðkomandi öfl væru að
verki, og hæfileikar hans sjálfs fóru að þroskast um 1872.
Hann kom við sögu margra sálrænna og spiritiskra félaga
og árið 1884 stofnaði hann í Lundúnum Samband Spiritista
og varð forseti þess og hélt því sæti til dauðadags, árið 1892.
Æfisöguritari Stainton Moses gerir mikið úr persónu hans
og skapgerðarstyrk, atgerfi hans og fjölhæfni, iðni hans og
kostgæfni. Hann var samúðarríkur og spilltist ekkert af frægð
þeirri er hæfileikar hans færðu honum. „Hann andaðist við
starf sitt, á bezta skeiði og flutti með sér i gröfina ástúð og
virðingu fjölda fólks, sem mun geyma minninguna um vin-
áttu hans sem hinn dýrmætasta fjársjóð.“
Stainton Móses ritaði innganginn að Spirit Teachings. Hann
segir að öll skeytin hafi náðst með ósjálfráðri skrift, og að
því nær allur skeytafjöldinn, sem valið var úr í þessa bók,
sé upprunninn frá anda, sem skrifar sig Imperator, en flutt
á milli af anda, sem nefndur er Rector. Hann olli miðlin-
um minnstrar áreynslu og skrifaði glæsilegar en hinir milli-
liðimir.
Skeytin eru ekki dagsett, en þau hafa sjálfsagt verið prent-
uð i sömu röð og þau komu. I vali mínu á því, sem ég birti
hér hef ég í aðalatriðunum haldið þeirri röð, sem á þeim er
í bókinni, því það er auðveldari tilvitnunaraðferð; hins vegar