Morgunn - 01.12.1977, Blaðsíða 39

TVEGGJA HEIMA TENGSL
117
allan vafa. Hann veit þess vegna að þetta er hægt án nokk-
urra bragða, hvort sem Uri Geller beitir þeim eða ekki.
Þessi hæfileiki Matthews náði hámarki þegar hann beygði
handjárn, sem sérstaklega höfðu verið smíðuð fyrir brezku
leyniþjónustuna og eðlisfræðingar höfðu fullyrt að ekki væri
hœgt að beygja. Peter Bander lýsir því á dramatískan hátt
í inngangsorðum sínum, hvílikt feiknauppnám þetta hafði í
för með sér, svo lá við að stórvandræði hlytust af fyrir Matt-
hew. Rannsóknastofnun Lundúnalögreglunnar skoðaði hin
beygðu handjárn og lýsti því yfir að rannsókn lokinni, að
engum efnislegum krafti hefði verið beitt á þessi handjárn,
því þótt þau hefðu verið beygð með venjulegu afli ekki nema
um þrjár gráður, þá liefði það haft í för með sér breytingu
á uppbyggingu sameindanna, en slikt hefði ekki átt sér stað.
Með öðrum orðum: þetta var óskiljanlegt.
Hinn háttstandandi foringi í leyniþjónustunni sem hafði
lánað handjárnin til þess eins að fletta ofan af Matthew
Manning sem svikara varð æfur, en fékk auðvitað ekki að
gert.
IV.
Eins og eðlilegt er hefur Matlhew Manning síðan þetta
gerðist verið til rannsókna hjá ýmsum vísindastofnunum í
dulsálarfræðum beggja megin Atlantshafsins. Hann hefur
hvarvetna hlotið lof rannsóknamanna fyrir ágætan og hik-
lausan samstarfsvilja. Má vænta þess að einhverjar niður-
stöður þessara rannsókna taki brátt að birtast í vísindaritum
um þessi efni.
Matthew Manning er nú 21 árs gamall og hefur hætt sam-
starfi við Peter Bander, útgefanda sinn og fræðara, sem hefur
sennilega verið orðinn nokkuð ráðríkur um þennan fræga
unga mann. Matthew kveðst nú vera orðinn fullfær um að
stjórna lífi sinu. f haust kemur út önnur bók hans sem heitir
IN THE MINDS OF MILLIONS. Og hann er jafnframt
byrjaður á þriðju bók sinni sem ber nafnið THE STRANG-