Morgunn - 01.12.1984, Qupperneq 86

160
MORGUNN
hugsa og með því framleiða þeir sköpun, sem verður sýni-
leg Jóni Jónssyni. Svo að hann lendir ekki í neinni auðn
eða tómu rúmi. Eftir að hann hefur sofið í rökkri, hvílt
sig eins og í einhverju hýði, meðan eterlíkami hans var
að fá lögun, sleppur hann út eins og fiðrildið, og kemur
inn í veröld, sem er búin til fyrir hann af hugsanamagni
manna með miklum andlegum þroska. Ég finn ekki neitt
hentugra nafn á þeim en að nefna þá vitringa, segir
Myers.
Mynd er gerð af endurminningum hinnar ungu sálar.
Hún er af landi, sem er töluvert fegurra en landið, sem
Jón Jónsson og félagar hans hafa þekkt — en ekki ólíkt
því. Þetta land er ekki verulegt. Það er draumur. En Jóni
Jónssyni virðist það jafnverulegt eins og skrifborðið hans
og vekjaraklukkan, sem vakti hann á morgnana og kvaddi
hann til vinnu. Vafalaust verður það meira aðlaðandi en
hans gamia veröld, en í aðalatriðum líkist það því landi,
sem hann þekkti.
í þessum draumi hittir hann vini sína, nokkur af skyld-
mennum sínum og þær tvær eða þrjár manneskjur, sem
honum hefur þótt verulega vænt um — ef þær eru farnar
á undan honum.
Hugsum oss þá Jón Jónsson í umhverfi, sem honum
virðist efniskennt og vekur því ekki neinn ótta hjá honum.
Hann er einföld sál og hefur lifað hreinu og heiðarlegu
lífi; hann hefur fullnægt löngunum sínum í hófi; hann
hefur lifað sjötíu ár í sérstöku umhverfi á jörðunni. Hvers
vegna á hann, þegar hann hefur skilið við jarðneska líkam-
ann, að fara af nýju inn í umhverfi, sem hann þekkir að
miklu leyti? Hvers vegna á hann að lenda í annari tilveru,
sem er sama eðlis og sú, er hann fór úr?
1 raun og veru er hún ekki sama eðlis. Þetta er tímabil,
er mikil og hægfara breyting verður á Jóni Jónssyni. Líf
hans á jörðunni samsvarar lífi fræsins í moldinni. Þegar
fyrstu grænu frjóangarnir þrengja sér upp á við í ljósið,
þá kemur að ævilokum og hann fer inn í annað líf. Garð-