Morgunn - 01.06.1990, Qupperneq 28

Kristín Jónsdóttir
EINN ER GUÐS HEIMUR
Þaðfintist mörgum fráleit kenning
að framlífið sanna megi,
samt treystir mál vort og menning
að mannssálin glatist eigi.
Því höldum við heimana tvenna,
heim dauðra og lifandi manna?
Frá byrjun er búið að kenna
bók um veginn eina og sanna.
Margar furður hér finnast,
sem fáum við aldrei skilið,
en megum þess ávallt minnast,
Mannssonurinn tengir bilið.
Trúum því, góðir grannar,
að guðs er allur heimur.
Öll Drottins dýrð það sannar,
djúp, jörð og himingeimur.
Á góðri stund gott er aðflíka
gleði með þessum oghinum,
þá erum við umkringd líka
ósýnilegum vinum.
26