Morgunn - 01.12.1996, Side 77

Hugheimar
hinum meiriháttar dulspekingum, er hann reit fyrir
löngu. Kvaðst hann hafa ritað hana upp eftir minni.
Ég hef aldrei getað grafist fyrir um, hvaðan hann hef-
ur tekið hana.
En aðra útgáfu af henni, aðeins nokkru lengri, er
að finna í „Catena of Buddhist Scriptures“ eftir Beal
(bls. 378).
„Drottinn vor Búddha mælti: „Það eru til ótal ver-
aldarkerfi handan við þetta sælusvæði, er Sukhavati
heitir (þ.e. hugheimar). Umhverfis það eru sjö raðir
grinda, sjö raðir fortjalda, sjö raðir vaggandi viða.
Þar dvelja Arhatar, þar ráða Búddhar ríkjum og er
það eign Bódhisattvanna. Þar eru sjö dýrmæt stöðu-
vötn. í þeim er hið kristaltæra vatn með hinar sjö
náttúrur og eiginleika, þótt það sé allsstaðar eitt og
hið sama. Svæði þetta, ó, þú Saripútra, eru Guða-
lönd, (Devachan). Hið guðræna udambrablóm þeirra
á sér rætur í skugga hverrar jarðar og breiðir bikara
sína móti hverjum þeim, er þangað kemur. Þeir
menn, sem þangað eru komnir, hafa gengið brúna
gullnu og komisl til gullnu fjallanna sjö, þeir eru í
sannleika sælir. Þeim mætir ekki framar sorg né
mæða í þessari hringför."
Þó lýsing þessi sé vafin rósamáli austurlandabúa,
þá er þó auðsætt að hún hefur í sér fólgin helstu ein-
kenni hugheima, sem koma greinilega fram í skýrsl-
um rannsónamanna vorra. „Gullnu fjöllin sjö,“ geta
ekki verið annað en hin sjö svæði hugheima, sem eru
aðgreind hvert frá öðru, af marklínum, sem eru ekki
að vísu áþreifanlegar, en samt sem áður raunveruleg-
ar. Og þessar sjö raðir grinda, sjö raðir fortjalda og
sjö raðir vaggandi viða, geta ekki átt við annað en hin
MORGUNN 75