Lindin - 01.01.1957, Blaðsíða 47

L I N D I N
41
hollum þroska og heilbrigðri framaþrá: Fegurð staðarins
og umhverfisins alls, minning sögunnar, fjölbreytni at-
vinnuháttanna, kannske meiri en á nokkrum öðrum stað á
landinu, heimilisfólkið, margt en óskylt, en þó tengt þeim
ósýnilegu böndum, sem gerði þetta ólíka fólk að einni sam-
stæðri heild. Upp úr þessari jörð og þessu umhverfi var
hann sprottinn, hinn fjölhæfi kennimaður, sr. Böðvar á
Hrafnseyri. Áreiðanlega hefur æskuheimilið hans orðið hon-
um hollur skóli eins og þúsundum annarra efnilegra sona og
dætra íslands, er á öldunum liðnu nutu áhrifa og uppeldis
í svipuðum þjóðskóla, sem Reykhólaheimilið var. Og kann-
ske liggja þær einmitt hér, rætumar til þess, er síðar varð
á hans heimili.
n.
Það hefur lengi fylgt íslenzkri prestastétt, að hún hefur
ekki aðeins haslað sér starfsvöll í kirkjum landsins. Hún
er vel að kennimannsnafni sínu komin. Hún hefur ekki hlot-
ið það einungis í kór og stól. Hún hefur engu síður hlotið
það í baðstofunni og á pallinum, — unnið sér það „á stétt-
unum“, sem kallað er. Og þar var séra Böðvar á Hrafneyri
sízt undantekning. 1 mínum huga er hann, og margra fleiri,
að ég ætla, hinn glæsilegi fulltrúi sinnar stéttar frá því
tímabili, er þjóðskólinn fomi og Iýðholli var að missa tök-
in fyrir hinni valdboðnu og lögskipuðu skólagöngu ungl-
inga og bama. Sá þáttur þjóðarsögu vorrar, sem snertir
kennimannsstarf íslenzkrar klerkastéttar sérstaklega, og
áhrif þess á þjóðlífið í heild, er enn lítt skráður. En hann
verður ritaður fyrr eða síðar, og þar mun nafn séra Böðv-
ars standa hátt á blaði.