Árdís - 01.01.1944, Side 50

En í brjósti berst og tifar
blítt og göfugt móðurhjarta.”
Er óhætt að segja að aldrei fór nokkur frá heimili hennar nema bætt
væri úr vandræðum hans á alla vegu. Enda latti heimilisfólkið hana ekki
í neinu, og munu böm hennar öll feta í fótspor foreldranna í öllu því
góða.
Af einlægni og trúmensku starfaði hún að kristindómsmálum bygðar
sinnar. Var hún ein af stofnendum kvenfélags Árdalssafnaðar og starf-
andi meðlimur þess í 40 ár og heiðursmeðlimur þess eftir að hún flutti
alfarin til Winnipeg til Önnu dóttur sinnar.
Bar hún ellina vel, andaðist að heimili Önnu dóttur sínnar 29. nóv.
1943 þá rétt 86 ára. Hún var lögð til hvílu við hlið manns síns í Árdals
grafreit.
Blessuð sé minning þín Steinunn. Við sem kyntumst þér söknum þín
sárt, um leið og við þökkun fyrir samvinnuna, og erum ríkari fyrir að
hafa kynst þér.
Andrea Johnson
OLGA DAVIDSON VOPNI
Olga Davidson Vopni, lezt á Grace
spítalanum í Winnipeg, 6. október
s. 1., eftir langa vanheilsu. Hún hafði
alið allan aldur sinn í Winnipeg;
var fædd þar 4. apríl 1884. Foreldrar
hennar voru Sigurður Davíðsson,
og Sigríður Jónsdóttir frá Litlu-Strönd
við Mývatn. Árið 1925 giftist hún
Halldóri Vopna; áttu þau síðast heima
að 706 Home Street. Olga heitin var
myndarkona á margan hátt. Manni
sínum reyndist hún ástrík og um-
hyggjusöm eiginkona í margra ára
sjúkdómsstríði og baráttu við örðugar
kringumstæður. Hún var að eðlis-
fari glaðlynd, bjartsýn og öllum vel-
viljuð. Hún stundaði um margra ára
skeið afgreiðslustörf í verzhin Hud-
son’s Bay félagsins, og ávann sér þar
traust fyrir samvizkusemi og dugnað.
48
Olga Davidson Vopni