Árdís - 01.01.1944, Síða 53

SKÝRSLA FORSETA
Kæru félagssystur og gestir:
Fyrir hönd Bandalags Lút. Kvenna vil eg bjóða ykkur velkomnar
á okkar tuttugasta ársþing. Af því að góð vísa er aldrei of oft kveðin ætla
eg að endurtaka orð félagssystur mínnar og bjóða ykkur sérstaklega
velkomnar í heimabæinn minn — þó hann sé ekki stór er hann ríkur af
velvild til ykkar allra. Verið þið öll vekomin!
Heilt ár er liðið síðan við mættum á þingi í Winnipeg. Hvað höfum við
gjört? er nokkur sýnilegur árangur af starfinu? Áður en því er svarað
má taka til greina yfirstandandi erfiðleika sem á margvíslegan hátt hefta
framgang ýmsra fyrirtækja. 1 fyrra var efst á blaði að koma á stað sem
fyrst heimili fyrir sumarnámskeið í kristilegum fræðum. Fyrsta sporið
var stígið að kaupa tilhlyðilegan blett fyrir “camp”. Var landkaupanefna
búin að umgangast það og borga niðurborgun. Átti sá blettur að vera
5 ekrur á stærð á vatnsbakkanum fyrir norðan Gimli. Eins og öllum
kvenfélögum var tilkynt í fyrra kom tilboð frá Manitoba District Luther
League og Manitoba Federated Luther League of the American Luth-
eran Church um samvinnu í því að byggja “camp.” Var málinu vísað til
kvennfélaganna og þau beðin að gefa úrskurð með eða móti samvinnu.
Á fundi sem framkvæmdarnefndin hélt að heimili Mrs. A. S. Bardal
í desember vóru svörin kornin frá félögunum. Aðeins 3 vóru með sam-
vinnu 15 á móti og 2 sendu ekki svar. Skerpti þessi úrskurður sjálfstæðis
hugsjónina svo ríka hjá okkur Islendingum og hefur áhugi fyrir málefn-
inu sannarlega aukist. Og með tímanum mun rætast fram úr þessu fyrir-
tæki með sóma. Yms kvenfélög liafa haft sérstök fyrirtæki til arðs fyrir
sjóðinn og hafa sést upphæðir stærri og smærri í blöðunum. Eitthvað
verður ef til vill afhent hér á þinginu málefninu til styrktar. Fyrir allar
þessar gjafir er Bandalagið þakklátt. Með góðra manna hjálp kemst
þetta fyrirtæki á legg eins og öll önnur fyrirtæki sem unnið er að af
alhug með kristilegri samvinnu.
Á öðrum fundi framkvæmdarnefndar, einnig að heimili Mrs. Bardal,
vara-forseta Bandalagsins var rætt um möguleika á að leigja “camp ’
fyrir þetta sumar. Vóru góðar undirtektir og var “camp” nefndinni undir
forystu Mrs. Gray falið að hafa framkvæmdir í því. Á fundi er haldinn
var að heimili Mrs. S. Ólafsson í Selkirk kom það í ljós að þrátt fyrir
ítrekaðar tilraunir nefndarinnar vóru eingin pláss fáanleg til leigu. Var
því ekki um annað að gera en að sleppa námskeiðinu í sumar. Þetta var
félögum tilkynt ásamt þeirri ósk að áhugi yrði vakandi og að sjóðurinn
yrði aukinn eftir mætti.
51