Árdís - 01.01.1944, Qupperneq 60

Skýrslur frá 17 kvenfélögum báru vott um mikinn áhuga og víð-
tækt starf. Þessi félög telja um 500 meðlimi sem inn hafa tekið á árinu
yfir $10,000. Þessi stóra upphæð hefir verið notuð á líkan hátt og að
undanförnu, nefnilega til þess að styrkja söfnuðina, heima og erlent trú-
boð, útvarpssjóð kirkjufélagsins, Sameininguna, byggingarsjóð B. L. K.,
Betel, líknarstarf í garð barna, gamalmenna, fátækra og sjúkra bæði
heimafyrir og annarsstaðar. Mörg félögin sýna áhuga fyrir Sunnudags-
skólanum; fyrir viðhaldi á íslenzkri tungu með því að sjá um að kenna
börnurri íslenzk ljóð og íslenzka söngva; þau sjá um sölu á ritunum Árdísi
og Hlín; þau prýða kirkjurnar og grafreitina.
Einnig hafa öll félögin lagt mikið á sig fyrir stríðsþarfir. Þau prjóna
mikið og sauma fyrir Red Cross. Þau styrkja fjárhagslega hina ýmsu
stríðssjóði, svo sem: Red Cross, Russian Relief, Greek Relief, Milk for
Britain, Soldier’s Welfare, o.s.f. Þau gleðja hermennina með bögglum.
Þau verja peningum í War Savings Stamps, Certificates og Bonds.
Alt þetta starf kvenfélaganna sýnir brennandi áhuga fyrir öllum
líknarmálum og öðrum velferðarmálum, það staðfestir sjálfsafneitun,
hugrekki og dugnað allra meðlima á þessum reynslutímum.
Fjármál: Skýrsla féhirðis, Mrs. G. Jóhannson, sýndi $295.12 í sjóði
frá fyrra ári; inntektir á árinu $62.52; útgjöld $52.98; í sjóði nú $304.66.
DAGSKRÁ ÞINGSINS:
1. Red Cross: Skýrslur kvenfélaganna sýndu að feikna mikið er
starfað fyrir Red Cross, og að mikill fjárhagslegur styrkur er veittur yfir
árið í þennan sjóð. Þingið lýsti ánægju sinni yfir þessu starfi og samþykti
að gefa $15. í þennan sjóð úr sjóði B. L. K.
2. Bindindi: Mrs. A. S. Bardal, erindsreki á síðasta þingi Manitoba
Temperance Alliance, las ítarlega skýrslu yfir starf þessa félags og lagði
áherzlu á hinar mörgu, illu afleiðingar vínnautnarinnar, sem þörf er því
á að minka sem mest. Til þess að votta að það sé hlynt málinu þá sam-
þykti þingið að gefa M. T. A. nokkurn fjárstyrk. Erindrekar á næsta þing
M. T. A. eru þær Mrs. A. S. Bardal og Miss Lilja M Guttormsson, sem
einnig verða í stjórnarnefnd þessa félags.
3. Hannyrðasýning: Mjörg yndisleg stykki voru sýnd á þinginu svo
sem “patch-work quilts”, útsaumaðir dúkar, heklaðir dúkar og margt
fleira. Ákveðið var að halda áfram að hafa þessar sýningar á ársþingum.
4. Framsögn íslenzkra ljóða og bamasöngflokkar: Erindrekar voru
kvattir til þess að vekja áhuga heima fyrir á því að fara að dæmi kven-
félags Glenboro safnaðar og stofna barnasöngflokka. Þeir voru einnig
beðnir að styðja viðhald íslenzkrar tungu með tilsögn í framsögn og lestri.
58