Morgunblaðið - 19.04.2009, Blaðsíða 30

30
MORGUNBLAÐIÐ SUNNUDAGUR 19. APRÍL 2009
Skógarhlíð 18 • sími 595 1000 • www.heimsferdir.is
Albir
3. júní
Frá kr. 89.900 - með fullu fæði
Aðeins örfá herbergi í boði!
Heimsferðir bjóða frábært sértilboð á síðustu sætunum í júní til Albir á
Costa Blanca. Albir er notalegur bær rétt við Benidorm þar sem frábært
er að njóta lífsins í sumarfríinu. Bjóðum ótrúlegt sértilboð á gistingu á
Hotel Rober Palas sem er gott þriggja stjörnu hótel sem býður góðan að-
búnað og frábæra staðsetningu í Albir. Stutt er að fara á ströndina og í
miðbæinn. Við hótelið er sundlaug, bar, sólbaðsaðstaða, veitingastaði,
setustofa, líkamsræktaraðstaða, sauna, diskótek, internetaðgengi fyrir
gesti o.fl.. Á Hotel Rober Palas eru 82 herbergi sem eru smekklega inn-
réttuð og með loftkælingu, gervihnattasjónvarpi, síma, öryggishólfi og
baðherbergi. Fullt fæði er innifalið í gistingu, þ.e. morgun-, hádegis- og
kvöldverður.
Verð frá kr. 89.900
Vikuferð með hálfu fæði
Netverð á mann, m.v. 2 fullorðna og 2 börn, 2-11 ára í herbergi á Hotel Rober Palas
*** í 7 nætur með hálfu fæði.
Verð m.v. 2 fullorðna og 1 barn kr. 92.900. Verð m.v. gistingu í tvíbýli kr. 99.900. Sér-
tilboð 3. júní.
Ótrúlegt sértilboðHotel Rober Palas ***· Mjög fjölbreytt þjónusta· Fullt fæði innifalið
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Eftir Ragnhildi Sverrisdóttur
rsv@mbl.is
U
pplýsingaarkitektúr
fjallar um skipulagn-
ingu og hönnun á
hvernig eigi að koma
upplýsingum á fram-
færi til notandans,“ segir Hildur
Fjóla Svansdóttir. Hún er að ljúka
tveggja ára mastersnámi í upplýs-
ingaarkitektúr við Álaborgarháskóla
í Danmörku. Hildur Fjóla útskrifast
í fyrsta hópi nemenda, sem leggur
stund á þessi nýju fræði. Áður hafði
hún lokið BSc-námi í bókasafns- og
upplýsingafræði við Danmarks Bi-
blioteksskole. „Þótt ég væri ánægð
með bókasafns- og upplýsingafræð-
ina þá hafði ég ekki áhuga á frekari
menntun í því fagi. Á þessum tíma,
haustið 2007, bauð Álaborgarháskóli
upp á nýtt nám, fyrstur háskóla á
Norðurlöndum. Ég kynnti mér nám-
ið, upplýsingaarkitektúr, og sá strax
að það var mjög heillandi og góð
framlenging á mínu fyrra námi.“
Upplýsingaarktitektúr kom fyrst
fram á sjónarsviðið sem sérstök
fræðigrein í Bandaríkjunum fyrir
10-15 árum. „Grunnur fræðanna er
hvernig koma eigi upplýsingum á
framfæri á sem aðgengilegastan og
bestan hátt. Þar lítum við ekki ein-
göngu til fyrirtækja eða stofnana,
sem þurfa að koma upplýsingum á
framfæri, heldur metum hverjir nýta
sér upplýsingarnar, hvers vegna og
hvað þurfi að gera til að þær nýtist
hverjum og einum á sem bestan hátt.
Við aukum virði upplýsinga með því
að leiða notandann í gegnum þær
upplýsingar sem hann þarfnast, en
framhjá ónauðsynlegum upplýs-
ingum. Upplýsingarnar verða að
svara þörfum notandans, hvort sem
þær eru settar fram í netmiðlum, á
veggspjöldum eða í dreifiritum, svo
dæmi séu tekin. Í raun á upplýs-
ingaarkitektúr það sameiginlegt
með byggingararkitektúr að við
þurfum að skilgreina það rými sem
við hönnum og hvernig það nýtist
notandanum sem best. Við verðum
að greina notendahóp upplýsinganna
og hvernig hann skilur upplýsing-
arnar út frá því samhengi sem hann
sér hlutina í, áður en við hönnum
upplýsingarnar og komum þeim á
framfæri. Þannig mætir notandinn
því upplýsingaumhverfi sem er hon-
um skiljanlegt og gerir honum auð-
velt að nálgast þær upplýsingar sem
hann hefur þörf fyrir.“
Innra net og tölvuleikur
Til að skýra þetta frekar tekur
Hildur Fjóla dæmi af þremur verk-
efnum, sem hún vann að með sam-
nemendum sínum meðan á náminu
stóð. „Við hönnuðum innra net fyrir
endurskoðunarfyrirtæki í Fær-
eyjum. Þar höfðu samskipti starfs-
manna byggst mikið á tölvupóstum
og þeir sem reyndari voru þurftu sí-
fellt að svara sömu spurningum
hinna reynsluminni. Við greindum
þörfina fyrir upplýsingar og hönn-
uðum innra net. Innra netið veitir
auðveldara aðgengi að upplýsing-
unum þar sem þær eru flokkaðar og
skráðar eftir þörfum notandans.
Núna eru upplýsingarnar aðgengi-
legar öllum starfsmönnum þegar
þörf er á þeim og vinnufriður til að
sinna hefðbundnum störfum.“
Þegar Hildur Fjóla vinnur að
verkefnum sem tengjast vefmiðlum
taka forritarar gjarnan við og hrinda
hugmyndum hennar í framkvæmd. Í
tilviki endurskoðunarskrifstofunnar
var kerfið hins vegar einfalt, að
hennar sögn, svo hún og samnem-
endur hennar unnu innra netið að
mestu sjálfir.
Annað verkefni og gjörólíkt var
fyrir textílfyrirtæki, sem ætlaði að
sýna vörur sínar á stórri sýningu er-
lendis og vildi koma á framfæri vöru
Arkitekt upplýsinganna
Óljóst Skiltið sýnir glögglega að ekki má reykja í lyftunni, hún ber 6 manns
og hana má ekki nota ef eldur logar í húsinu. Myndin niðri til vinstri er ekki
jafn skýr. Henni er ætlað að koma til skila að börn megi ekki ferðast ein í
lyftunni. Hlutverk upplýsingaarkitekta er að koma upplýsingum af þessu
tagi á framfæri myndrænt og skiljanlega.
Varla er ofsögum sagt að Barack Obama, forseti
Bandaríkjanna, geri víðreist. Ekki aðeins ferðast hann
um heiminn í embættiserindum, heldur gerir hann sig
senn gildandi í heimi fantasíu og vísindaskáldskapar.
Hann hefur þegar komið fram sem aukapersóna í
myndasögu um Köngulóarmanninn, en Villimaðurinn
Barack (Barack the Barbarian) verður í aðalhlutverki í
samnefndri teiknimyndaseríu, sem Devil’s Due útgáfan
í Chicago hyggst gefa út í júní. Hetjan er væntanleg á
sögusviðið í Leitinni að fjársjóði Stimuli, þar sem hann
mætir Boosh hinum myrka, Cha-nee vægðarlausa og
þeirra líkum.
Villimaðurinn Barack er heljarinnar vöðvatröll í
lendaskýlu úr loðfeldi, gríðarlega sterkur og oft með
blóðuga bardagaexi í karlmannlegum höndunum. Hon-
um er ætlað að steypa af stóli yfirborguðum einræð-
isherrum til þess að bjarga hinu stórkostlega ameríska
lýðveldi, hvorki meira né minna.
Óvinur í úlfagæru
Sérstakur fjandmaður hetjunnar er Rauða Sarah,
teiknimyndaútgáfa af Sarah Palin, fyrrum varafor-
setaframbjóðanda Repúblikanaflokksins. Hún birtist í
úlfsfeldi eins og vera ber, nánar tiltekið með herðaslá
og í bikini úr slíkum feldi, og vitaskuld með vörumerkið
á nefinu – gleraugun.
Af öðrum sem á vegi hans verða má nefna galdra-
konuna Hilariu og eiginmann hennar, bragðarefinn Biil.
Talsmenn Devil’s Due-útgáfunnar fullyrða að með sög-
unum hefji höfundurinn, Larry Hama, pólitíska háðsá-
deilu upp á annað plan.
Önnur teiknimyndasaga þar sem Obama er í aðal-
hlutverki er einnig væntanleg frá útgáfunni, en þar er
hann ekki eins vöðvastæltur og auk þess mállaus. Í
Herkvaðning: 100 dagar er Ameríka í rúst, íbúarnir
horfa ekki aðeins fram á kaldasta vetur aldarinnar
heldur eiga þeir líka í höggi við verur frá öðrum hnött-
um.
Josh Blaylock, forstjóri Devil’s Due-útgáfunnar, mikill
aðdáandi forsetans, segir hugmyndina að teiknimynd-
unum um Obama hafa vaknað þegar hann sá hann í
aukahlutverkinu í Köngulóarmanninum. Ekki hafi heldur
spillt fyrir að forsetinn hafi að eigin sögn mikið dálæti
á teiknimyndaseríunni Conan the Barbarian.
Villimaðurinn Barack