Morgunblaðið - 19.04.2009, Blaðsíða 31

sinni og gildum. „Við stungum upp á
tölvuleik, sem notendum fannst
skemmtilegt að leika, enda voru
verðlaun í boði í lok sýningarinnar.
Leikurinn fól í sér ýmsar upplýs-
ingar um fyrirtækið, til dæmis þær
áherslur sem það leggur á umhverf-
ismál. Upplýsingunum var miðlað á
skemmtilegan hátt, sem kom fyr-
irtækinu til góða og vakti áhuga not-
endanna.“
Þriðja verkefnið var unnið fyrir
þetta sama textílfyrirtæki, en var af
allt öðrum toga. Innan fyrirtækisins
starfar fjöldi manns, bæði við fram-
leiðsluna sjálfa og við sölu og önnur
skrifstofustörf. Til að miðla upplýs-
ingum innanhúss var ekki nóg að
vinna efni á vef fyrirtækisins, enda
ekki allir starfsmenn með aðgang að
tölvu. „Við settum fram hugmyndir
um að miðla upplýsingum með
stórum upplýsingaskjáum í fyrir-
tækinu, ásamt því að búa til plaköt
sem hægt væri að hengja upp þar
sem starfsfólkið færi reglulega hjá.
Markmiðið var að fá starfsfólkið til
að taka þátt í hönnuninni með því að
leyfa því að koma með ýmsar ábend-
ingar um það sem betur mætti fara.
Fólk ritaði ábendingar sínar á post-
it-miða, sem voru límdir á töflu í
mötuneyti fyrirtækisins, aðrir gátu
gert athugasemdir við hugmynd-
irnar og stjórnendur fyrirtækisins
gátu nýtt sér þennan hugmynda-
banka.“
Samnemendur Hildar Fjólu í upp-
lýsingaarkitektúr voru aðeins 7 tals-
ins. Nokkrir þeirra hafa helst úr lest-
inni eða frestað námslokum, svo
aðeins fjórir ljúka náminu í vor.
Hildur Fjóla er að leggja lokahönd á
masters-ritgerðina, sem fjallar um
upplýsingakerfi fyrir heimahjúkrun
og heimilishjálp í Færeyjum. „Ég er
að vinna að hönnun upplýsingakerfis
fyrir þá 1.400 starfsmenn, sem vinna
við heimahjúkrun og heimilishjálp.
Þetta er mjög áhugavert verkefni,
þar sem taka þarf tillit til mismun-
andi deilda og þar af leiðandi mis-
munandi vinnuferla. Markmiðið er
að upplýsingarnar séu á einum stað
og að þessar deildir geti nýtt sömu
upplýsingar og talað saman.“
Vilja koma heim
Hildur Fjóla hefur verið við nám í
Danmörku í fimm ár. Hún og eig-
inmaður hennar, Ingvar Örn Ingv-
arsson, hafa hug á að flytja heim, en
óvissan er mikil. Ingvar Örn er að
ljúka námi í alþjóðaþróunarfræði og
börnin tvö, Björk 12 ára og Ingvar
Andri 6 ára, vilja gjarnan komast í
skóla heima á Íslandi. „Ástandið
heima gerir okkur auðvitað erfitt
fyrir, en við viljum gjarnan komast
heim til fjölskyldu og vina eftir fimm
ára fjarveru.“
Meistaranám Hildur Fjóla Svans-
dóttir lýkur námi í upplýs-
ingaarkitektúr í vor.
MORGUNBLAÐIÐ SUNNUDAGUR 19. APRÍL 2009
Leitað er eftir þátttakendum í klíníska rannsókn á nýju rannsóknarlyfi
Tilgangur rannsóknarinnar er að athuga öryggi og verkun mismunandi skammta rannsóknarlyfsins við
meðhöndlun á þrálátum háþrýstingi, samanborið við lyfleysu og virkt, markaðssett lyf. Aðalrannsakandi er Karl
Andersen, sérfræðingur í lyflækningum og hjartalækningum. Rannsóknin fer fram á Rannsóknarsetri Íslenskra
lyfjarannsókna ehf. – Encode, Krókhálsi 5d, 110 Reykjavík.
Hverjir geta tekið þátt?
• Konur og karlar á aldrinum 18-75 ára með þrálátan háþrýsting. Konur verða að vera komnar yfir
tíðahvörf eða hafa undirgengist ófrjósemisaðgerð.
• Einstaklingar á stöðugri þriggja lyfja meðferð við háþrýstingi sem eru þrátt fyrir það með of háan
blóðþrýsting. Lyfjameðferðin má vera flóknari, þ.e. fleiri en þrjú lyf notuð, en eitt lyfjanna skal þó vera
þvagræsilyf.
Hvað felur rannsóknin í sér?
Þátttaka varir í allt að 14 vikur og gert er ráð fyrir um 13 heimsóknum á rannsóknarsetur á tímabilinu.
Heimsóknirnar taka u.þ.b. 1 til 4 klst. Gerðar verða blóðþrýstingsmælingar, bæði á rannsóknarsetri og með
notkun blóðþrýstingsvaktara yfir sólarhring. Blóðsýni verða tekin í flestum heimsóknum.
Áhætta af þátttöku felst í mögulegum aukaverkunum af notkun rannsóknarlyfsins, bæði þekktum og ófyrir-
séðum. Ekki er hægt að tryggja að þátttakendur fái tímabundinn bata en niðurstöður rannsóknarinnar geta leitt
til framfara í meðferð sjúkdómsins.
Greitt verður fyrir þátttöku og rannsóknareftirlit verður þátttakendum að kostnaðarlausu.
Frekari upplýsingar
Ef þú hefur áhuga á að taka þátt, vinsamlegast hafðu samband við hjúkrunarfræðing rannsóknarinnar í síma
510 9911.
Tekið skal fram að einstaklingar sem svara auglýsingunni hafa á engan hátt skuldbundið sig til að taka þátt í
rannsókninni. Ákveði þeir að taka þátt, geta þeir dregið sig út úr rannsókninni hvenær sem er, án þess að gefa
sérstaka ástæðu fyrir ákvörðun sinni.
Rannsóknin hefur fengið leyfi Lyfjastofnunar, Vísindasiðanefndar og Persónuverndar.
www.xs.is
Ásta Ragnheiður Jóhannesdóttir
4. sæti í Reykjavík suður
Sigmundur Ernir Rúnarsson
2. sæti í Norðausturkjördæmi
Velferðarbrú
fyrir heimilin
Velferðarbrúin hjálpar heimilunum í landinu yfir tímabil erfiðleikanna. Brúin saman-
stendur af mörgum markvissum aðgerðum sem styðja heimilin í landinu og liðsinna
þeim sérstaklega sem komast í vanda. Þannig nýtum við takmarkaða fjármuni
þjóðarinnar best. Höldum áfram! Traust velferðarbrú er ábyrga lausnin á vandanum.
Bandaríkjamenn hafa þungar áhyggj-
ur af efnahagsmálum. Svo þungar, að
þeir eiga margir bágt með svefn. Þeir
grípa oft til þess ráðs að taka svefn-
lyf, eins og ljóst er af gríðarlegri
aukningu á sölu slíkra lyfja þar í
landi. Á síðasta ári var nýtt met sleg-
ið, þegar 56 milljón lyfseðlar fyrir
svefnlyfjum voru gefnir út, 54% fleiri
en árið 2004. Þar í landi reikna menn
með að enn bætist við pillufjöldann á
þessu ári, þegar kreppan herðir að.
Hér á landi hefur hins vegar ekki
orðið vart slíkrar aukningar í notkun
svefnlyfja, samkvæmt upplýsingum
frá embætti landlæknis. Því má svo
bæta við, að ekki hefur heldur orðið
aukning í notkun geðlyfja hér á landi
frá bankahruninu. En það er önnur
saga og ekki rakin frekar hér.
Sjónvarp og lyf
Bandaríska dagblaðið Los Angeles
Times skýrði frá því fyrir skömmu að
margt benti til að Bandaríkjamenn
ættu erfiðara með svefn nú en áður.
Áhorf á sjónvarpsþætti, sem sýndir
eru undir miðnættið, hefur aukist
verulega. Og í nýlegri könnun sögðu
27% aðspurðra að áhyggjur vegna
eigin fjármála, efnahagsmála al-
mennt og óttinn við að missa vinn-
una hefðu rænt þá nætursvefni.
Vissulega er ekki við kreppuna
eina að sakast. Tíundi hver Banda-
ríkjamaður á að jafnaði erfitt með
svefn, óháð efnahagsástandi og þrír
af hverjum tíu eru einstaka sinnum
andvaka. En kreppan bætir svo sann-
arlega ekki úr skák.
Tölurnar um útgefna lyfseðla eru
áhugaverðar, en jafnframt er rétt að
hafa í huga að í Bandaríkjunum er
mjög víða hægt að kaupa mildari
svefnlyf í apótekum og sú sala er
ekki tekin með í frétt Los Angeles
Times. Vandinn gæti því verið út-
breiddari en tölur um útgáfu lyfseðla
benda til. Sterku svefnlyfin hafa hins
vegar mörg hver þau leiðu aukaáhrif
að svefnhöfgi sækir á fólk daginn eft-
ir notkun þeirra, sem getur skapað
hættu, til dæmis í umferðinni. Þá eru
ófá dæmi þess að fólk verði háð lyfj-
unum og ýmsar alvarlegar hliðarverk-
anir aðrar eru taldar upp í grein Los
Angeles Times, til dæmis minnistap.
Það sem veldur þó sérfróðum við-
mælendum dagblaðsins mestum
áhyggjum er að sífellt yngra fólk not-
ar svefnlyf. Fólk á menntaskólaaldri
virðist þannig sækja í þau í æ ríkari
mæli. Frá árinu 1998 hefur fjöldi ung-
menna sem notar svefnlyf að stað-
aldri þrefaldast.
rsv@mbl.is
© Royalty-Free/CORBIS
Sækja í svefnlyf
í kreppunni
Lyfjalaus lúr Góður svefn er nauð-
synlegur og illt ef fjárhags-
áhyggjur halda vöku fyrir fólki.