Saga - 1951, Side 7

181
valdi og Jóru tíu vetra samvistarleyfið. Leyfið
hefði átt að vera veitt nálægt 1186, því að
tíu veturnir eiga að hafa verið liðnir 1196,
en þá deyr Jóra.1) eftir frásögn „Haukdæla-
þáttar“. En Guttormur varð ekki erkibiskup
fyrr en 1216. Eysteinn Erlendsson (d. 1188)
var erkibiskup, þegar leyfið átti að hafa verið
veitt. Þannig skeikar arfsögninni um menn og
tíma.
Við sögu þeirra Þorvalds og konu hans, Jóru
Klængsdóttur, og Þóru Guðmundardóttur, er
tengd dálítil þjóðsaga, sem einnig er skráð
í „Haukdælaþætti“ Sturlungusafnsins. Laust
fyrir 1200 bjó Guðmundur gríss Ámundason,
er átti Solveigu Jónsdóttur Loftssonar í Odda,
á Þingvelli. Þau áttu tvær gjafvaxta dætur,
er hvor tveggja hét Þóra. Þær eru báðar sagð-
ar inar gerfilegustu konur og inir beztu kven-
kostir af ógiftum konum. Segir, að þær hafi
jafnan farið upp í Almannagjá með léreft sín
til ár þeirrar, er þar fellur. Það hefur þótt
eitthvað viðhafnarmeira að láta samtal þeirra
systra fara fram uppi í Almannagjá, þó að
ekki sé líklegt, að þær hafi flutt þvott sinn
upp þangað, því að nærtækt er þvottavatn
við Þingvallatún, eins og kunnugt er. Að þessu
leyti hefur sögnin á sér heldur ósennileika blæ.
Kynlegt má það telja, að áin, sem um er
talað, skuli ekki vera nefnd sínu alkunna nafni,
Öxará, og er nærri svo að sjá sem skrásetjari
sögunnar þekki ekki nafnið á ánni, en þeir
Narfasynir, sem allir urðu lögmenn, hljóta þó
að hafa þekkt heiti árinnar.
1) Bps. Bkmf. I. 449.