Saga - 1951, Qupperneq 30

204
laugar eru Þorsteinn, 17 ára þá, og Oddi, 15 ára.
Nöfnin Þorsteinn, Oddi og Guðlaug benda svo
eindregið í þessa ætt, að freistandi er að ætla,
að Stefán eða Guðlaug kona hans hafi verið
barnabarn Steingríms og Guðlaugar Þorsteins-
dóttur. Þorsteinn Stefánsson er fæddur rétt
eftir eða um lát Þorsteins Steingrímssonar og
gæti vel hafa borið nafn hans, og flest af-
kvæmi Steingríms og Guðlaugar er á næstu
grösum við Kot.
Um miðja 17. öld eru fleiri Steingrímsbörn
en nú hafa verið greind á þessum slóðum og
kunna þau að vera þessarar ættar. Einkum
mætti ætla, að Jessi Steingrímsson, sem 1665
býr á Bjarnarstöðum í Blönduhlíð, væri sonur
Steingríms og Guðlaugar.
Hinn yngri Steingríwvur var Guðmundsson.
Ættartölum kemur saman um, að móðir hans
hafi verið Steinunn systir sira Björns á Hvann-
eyri, dóttir sira Jóns á Siglunesi Guðmunds-
sonar. Ein heimild getur föður Steingríms og
telur hann hafa verið Guðmund bónda á Lóni
í Viðvíkursveit Ásgrímsson (Lbs. 1434, 4to).
Ekki má hafna því, að þetta geti verið rétt,
þótt heimildin sé ekki örugg og Guðmundar
Ásgrímssonar sé hvergi getið annars staðar
svo ég viti. Önnur heimild (Sýslum.æfir I, bls.
290) telur föður Steingríms Guðmund frá
Vatnshlíð Magnússon. í erfðahyllingarskjölum
frá 1649 er getið Guðmundar Magnússonar
bónda í Vaðlaþingi. Bændur þar virðast taldir
framan úr firði og út eftir og mætti af því
ráða, að Guðmundur þessi hafi búið í Hörg-
árdal eða þar í grennd. Þaðan er ættaður Ás-