Saga - 1951, Side 50

224
teljast góðar. Rituðu 71 menn nöfn sín á skjaR
ið með loforði um að gerast félagar, ef úr stofn-
uninni yrði, en Benedikt Gröndal meistari ritaði
nafn sitt undir með áskorendum, er honum var
sýnt .skjalið. Þeir þremenningarnir boðuðu síð-
an til fundar 17. febr. sama ár til þess að ræða
og ákveða félagsstofnunina. Fundinn sóttu 30
manns, og eftir alllangar umræður var svofelld
tillaga samþykkt með 20 samhljóða atkvæðum:
„Fundurinn ályktar að stofna félag til þess
að gefa út heimildarrit að sögu íslands og í sam-
bandi við þau ættfræði og mannfræði“.
Eftir nokkurt stímabrak var því næst kosin
5 manna nefnd til að semja lög handa félaginu,
og hlutu kosningu þeir dr. Jón Þorkelsson, Hann-
es Þorsteinsson, Þórhallur Bjarnarson lektor
(síðar biskup), Bjarni Jónsson frá Vogi og Jón
Jónsson (Aðils) sagnfræðingur (síðar prófess^
or). Þessi fundur má því teljast stofnfundur
Sögufélagsins, þótt það kæmist ekki algerlega
á laggirnar fyrr en á næsta fundi, er laganefnd-
in boðaði til. Sá fundur var haldinn 7. marz
sama ár, og sóttu hann 29 félagsmenn. Þar lagði
nefndin fram frumvarp að lögum félagsins, og
var það samþykkt nálega óbreytt. Samkvæmt
þeim voru síðan kosnir 5 menn í stjórn félags-
ins, 2 menn í varastjórn og 2 endurskoðendur.
Kosningu í stjórnina hlutu hinir sömu menn, ei
kosnir höfðu verið í laganefndina.
Lögin voru þegar prentuð 1902 og hafa hald-
izt óbreytt alla tíð síðan að undan skilduni
ákvæðunum um tillög félagsmanna. Eftir fyrstú
breytingu þeirra, 31. maí 1919, voru lögin end^
urprentuð.