SunnudagsMogginn - 15.11.2009, Síða 12

12 15. nóvember 2009
Morgunblaðið/Golli
Þ
akkarræðan var ekkert spes! segir Þóra Björg
Helgadóttir, landsliðsmarkvörður Íslands í
knattspyrnu og besti leikmaðurinn í Noregi á
nýloknu keppnistímabili. Ég held hún glotti.
Get þó ekki verið viss því hún er á heimili Ásthildar
systur sinnar í Svíþjóð og talar í síma við mig uppi á Ís-
landi.
Ræðuna sem hún nefndi flutti Þóra á sunnudags-
kvöldið síðasta í Ósló, eftir að tilkynnt var um kjör
hennar sem besta leikmannsins í Noregi í sumar. Þetta
er kjör leikmanna sjálfra og jafnan talið mestur virðing-
arvottur að hljóta slíka vegtyllu. Árangurinn er sann-
arlega glæsilegur þegar haft er í huga hvaða sess norsk-
ur kvennafótbolti skipar. Norðmenn komust í
undanúrslit Evrópukeppni kvenna í Finnlandi í sumar,
en Þóra skaut öllum leikmönnum þess liðs ref fyrir rass.
Íslenski landsliðsmaðurinn var valinn besti mark-
vörður norsku úrvalsdeildarinnar, var þar af leiðandi í
liði ársins og síðan var Þóra útnefnd besti leikmaður
deildarinnar, en í ofanálag hlaut hún nafnbótina besti
leikmaður Noregs. Í karlaflokki varð fyrir valinu varn-
artröllið Brede Hangeland, leikmaður Fulham á Eng-
landi og fyrirliði norska landsliðsins. Allir voru sem sagt
í kjöri í því tilfelli; leikmenn í Noregi og norskir leik-
menn með erlendum liðum. Bestu leikmenn norska
kvennalandsliðsins eru reyndar nær allir heima í Noregi
og það segir auðvitað sína sögu um styrk deildarinnar.
„Ég hef ekki séð leiki í öllum deildum en held ég geti
fullyrt að norska deildin sé ein af þeim fjórum bestu í
Evrópu. Deildirnar í Svíþjóð, Þýskalandi, Englandi og
Noregi eru taldar þær bestu,“ segir Þóra.
„Það var gríðarlega skrýtin tilfinning þegar nafnið
mitt var lesið upp, sérstaklega af því að ég var ekkert
stressuð. Yfirleitt er einhver spenningur í fólki við þess-
ar aðstæður en ég var furðu róleg vegna þess að ég hélt
ég ætti enga möguleika. En ég þurfti að fara upp á svið
og halda þakkarræðu. Hún var ekkert spes; ég vissi
ekkert hvað ég átti að segja enda í algjöru sjokki,“ segir
Þóra. „Jákvæðu sjokki reyndar!“
Landsliðsmarkvörðurinn flytur til Svíþjóðar eftir tvær
vikur en hefur ekki formlega æfingar með Málmeying-
unum í Malmö LdB fyrr en 1. janúar. Tímann þangað til
ætlar hún m.a. að nota til þess að ferðast; hefur tekið
Eins og
í góðri
lygasögu
Þóra B. Helgadóttir fékk alvar-
lega einkirningasótt í fyrra-
haust og var tjáð að hún yrði
jafnvel heilt ár að jafna sig. Í
sumar lék hún þó á EM og var
nú – ári eftir að hún veiktist –
kjörin best allra í Noregi.
Viðtal
Skapti Hallgrímsson
skapti@mbl.is
Áslaug Stefánsdóttir, móðuramma Þóru, er einn dyggasti
stuðningsmaður kvennalandsliðsins. „Hún er að verða átt-
ræð en fór með okkur til Frakklands í fyrra og kom til Finn-
lands á Evrópukeppnina í sumar,“ segir Þóra.
„Amma fylgdist ekkert með íþróttum áður fyrr, en nú missir
hún helst ekki af leik. Henni finnst ótrúlega gaman að fylgjast
með landsliðinu.“
Áslaug hringir í Þóru fyrir hvern einasta leik, hvort sem er
með landsliðinu eða félagsliði „til að gefa mér gusu! Hún vill
skyrpa á eftir mér til þess að mér gangi vel.“
Vonbrigði
Þóra segist hafa orðið fyrir vonbrigðum þegar Ísland komst
ekki upp úr riðlinum á EM í Finnlandi. „Aðallega vegna þess
að við settum okkur sjálfar háleit markmið. Ég stefndi ótrauð
á að komast áfram en held reyndar að engir aðrir en Íslend-
ingar hafi gert ráð fyrir því.“
Eftir á að hyggja segist Þóra ekki myndu vilja skipta á því
og neinu öðru að hafa tekið þátt í EM. „Við munum eftir
þessu ævintýri til æviloka og búum að dýrmætri reynslu
næst þegar við komumst á stórmót.“
Þóra hefur alltaf þurft að hafa nóg fyrir stafni og á árum áð-
ur nægði fótboltinn henni ekki. Hún lék nefnilega handbolta
líka og var öflug sem slík. Á að baki óopinbera landsleiki með
A-liði Íslands og lék í heimsmeistarakeppni 21 árs og yngri í
Kína árið 1999; ári áður en hún sló í gegn með fótboltalands-
liðinu í Bandaríkjunum.
Þóra hlakkar mikið til að hefja leik með Malmö en hjá fé-
laginu er önnur af „Stelpunum okkar“ í landsliðinu, Dóra
Stefánsdóttir. „Malmö er sterkasti klúbburinn í Svíþjóð og
einn sá sterkasti í Evrópu. Þar er mikill metnaður og von-
brigði að liðið náði bara þriðja sæti í sænsku deildinni í
haust.“
Þóra veit ekki hvað framtíðin ber í skauti sér. „Ég var nokk-
uð viss um að ég yrði áfram í fjármálageiranum en efast orðið
um það. Það eina sem ég veit er að ég verð hér í Malmö í þrjú
ár og sé svo til. Ég er komin með mjög góða vinnureynslu eftir
starf hjá DHL heima og í Brussel og kvíði ekki framtíðinni.“
Morgunblaðið/Golli
Amma Áslaug fylgist vel með
Edda Garðarsdóttir, Ólína G. Viðarsdótir, Guðrún S. Gunnarsdóttir, Þóra og Katrín Jónsdóttir fyrir leikinn gegn Noregi á EM.