Morgunblaðið - 16.01.2010, Blaðsíða 25

Daglegt líf 25ÚR BÆJARLÍFINU
MORGUNBLAÐIÐ LAUGARDAGUR 16. JANÚAR 2010
Undirbúningur er hafin fyrir sveit-
arstjórnarkosningar í Reykjanesbæ í
vor. Ljóst er að miklar breytingar
verða í öllum flokkum, t.d. hefur Ey-
steinn Jónsson, Framsóknarflokki,
flust búferlum og situr því ekki leng-
ur í bæjarstjórn og sjálfstæðismenn
hafa upplýst að fimm bæjarfulltrúar
af sjö muni ekki gefa kost á sér í vor.
Það verða því einungis Árni Sigfús-
son bæjarstjóri og Böðvar Jónsson,
formaður bæjarráðs, sem vilja freista
gæfunnar. Svo virðist sem Guð-
brandur Einarsson, Samfylkingu, og
Guðný Kristjánsdóttir, Framsókn,
verði einu fulltrúar A-lista sem haldi
áfram en líklegt þykir að flokkarnir
tveir muni ekki bjóða fram undir
hatti A-lista í næstu kosningum. Leit
stendur nú yfir innan allra flokka að
hæfu fólki í framboð.
  
Það gladdi marga bæjarbúa á þrett-
ándanum að sjá að þrettándabrenna
var aftur orðin að veruleika. Síðast-
liðin 2 ár hefur brennan verið í formi
báls í keri eða gámi og heldur óspenn-
andi. Annað var upp á teningnum í ár,
auk þess sem aðrir dagskrárliðir, svo
sem tónlistaruppákomur og flug-
eldasýning, voru til sóma. Það var svo
sönghópurinn Orfeus og hljómsveitin
Talenturnar sem sungu jólin út á ára-
mótatónleikum Tónlistarfélags
Reykjanesbæjar síðar um kvöldið.
  
Fjárhagsáætlun Reykjanesbæjar
2010 var samþykkt í bæjarstjórn fyr-
ir 10 dögum. Nokkuð er um hagræð-
ingu frá síðastliðnu ári, sem ætti að
koma fáum á óvart. Minnsti nið-
urskurður verður hjá fræðslusvið,
enda fjárfrekt svið. Gjaldskrá hækk-
ar að meðaltali um 10% þar sem hún
hefur ekki hækkað frá því 2008.
  
Skatttekjur Reykjanesbæjar hafa
lengstum verið þær lægstu á landinu
en bæjarstjórn segist í áætluninni
gera ráð fyrir auknum skatttekjum
vegna nýrra atvinnuverkefna sem nú
eru í undirbúningi á ýmsum stigum.
Bæjarfulltrúar A-lista gagnrýndu
þessa áætlanagerð á bæjarstjórn-
arfundi 6. janúar og sögðu hana vafa-
sama í ljósi þess að spáð hefur verið
samdrætti í landsframleiðslu um 3%.
Auk þess gagnrýndu fulltrúar A-
lista þann mikla niðurskurð sem í
áætluninni er lagt til að ráðist verði í.
  
Verið er að leggja lokahönd á félags-
heimilið Stapa sem hefur fengið
verulega andlitslyftingu að und-
anförnu. Formleg opnun verður í
febrúar en Ungmennafélag Njarð-
víkur fær þó að þjófstarta með
þorrablóti félagsins 30. janúar nk.
Stapinn er fyrri áfangi Hljómahall-
arinnar sem einnig mun hýsa Popp-
minjasafn Íslands og Tónlistarskóla
Reykjanesbæjar. Einhver frestun
verður enn á þeirri starfsemi en
kaffihúsið Hljómakaffi ku verða
starfrækt í Stapa með aðgangi að
timburlögðum sólpalli.
  
Fimleikadeild Keflavíkur hefur feng-
ið aðstöðu í Íþróttaakademíunni og
er aðstaðan mikill fengur fyrir deild-
ina. Þröngt hefur verið um fimleika-
iðkendur í Íþróttahúsinu við Sunnu-
braut og þegar starfsemi
akademíunnar fluttist í Keili á Ásbrú
losnaði húsið. Til stóð að fim-
leikadeildin fengi sérhannað hús í
nágrenni Reykjaneshallarinnar en
þeim áformum var frestað í kjölfar
hrunsins. Langþráð gryfja er því
orðin að veruleika og nú þarf ekki
lengur að ganga frá áhöldum eftir
hverja æfingu.
  
Erfiðlega hefur gengið að höfða til
samvisku hundaeigenda um að
hreinsa upp eftir hunda sína á útivist-
arsvæðum bæjarins, m.a. Strandleið.
Sem fyrrverandi hundaeigandi veit
blaðamaður að ekki er við alla hunda-
eigendur að sakast en á meðan ein-
hverjir vanrækja að hreinsa upp skít-
inn liggja allir undir grun.
Annars er það af stígnum að frétta
að hann er mikið nýttur og greinilega
fjárfesting sem hefur margborgað
sig. Það má leiða líkum að því að
hreysti bæjarbúa og andlegt atgervi
hafi aukist, að maður tali nú ekki um
blíðuna sem hvatt hefur til útivistar í
allan vetur.
  
10 ár voru á mánudag liðin frá því að
fjölmennur borgarafundur um um-
ferðaröryggismál var haldinn í
Stapa. Áhugahópur um örugga
Reykjanesbraut hóf þá baráttu fyrir
tvöföldun Reykjanesbrautar í því
skyni að fækka banaslysum. Síðast-
liðinn mánudag var haldinn borg-
arafundur í Haukahúsinu í Hafn-
arfirði þar sem Félag íslenskra
bifreiðaeigenda kynnti markmið fé-
lagsins að útrýma banaslysum úr
umferðinni fyrir árið 2015. Á þessum
10 árum hefur banaslysum fækkað ár
frá ári og markmið FÍB er sann-
arlega göfugt.
REYKJANESBÆR
Svanhildur Eiríksdóttir blaðamaður
Morgunblaðið/Svanhildur Eiríksdóttir
Ný aðstaða Áhaldaburður heyrir nú sögunni til hjá fimleikadeild Keflavíkur.
Rafiðnaðarskólinn
er fluttur á
Stórhöfða 27
Skráning á vorönn á www.raf.is
og í sima 568-5010
EIRÍKUR JÓNSSON
KANINN: BESTA TÓNLISTIN, FRÉTTIR OG
SKEMMTILEGASTA FÓLKIÐ
SUNNUDAGA MILLI 10.00 - 12.00 OG SVO AFTUR
MILLI 23.00 OG 01.00 UM KVÖLDIÐ
FM91,9 OG FM103,9 Í REYKJAVÍK.
FM93,9 Á AKUREYRI. FM92,9 Á SELFOSSI.
FM104,7 Í VESTMANNAEYJUM. FM103,2 EGILSTÖÐUM
DIGITAL ÍSLAND OG BREIÐBAND SÍMANS
UM ALLT LAND. STREYMI Á KANINN.IS
FRÉTTIR FRÁ SKJÁ EINUM 18:15
GESTIR þáttarins Orð skulu standa
í dag eru Sigurjón Magnús Egilsson
ritstjóri og Þórbergur Þórsson hag-
fræðingur. Þeir fást m.a. við „leti-
konuhrukkur“ og „köngulepli“.
Fyrriparturinn er eftir Martein
Friðriksson:
Þingsins andlegt þrotabú
þjóðarharmi veldur.
Um liðna helgi var fyrriparturinn
þessi:
Nú er úti frost og fönn
fimbulvetur ríkir.
Í þættinum botnaði Hlín Agnars-
dóttir:
Ekkert nema boð og bönn,
bágt á Kertasníkir.
Vilborg Davíðsdóttir:
En sólfar vex um væna spönn,
senn víkja dagar slíkir.
Davíð Þór Jónsson gleðst yfir
vetrinum:
Í gaddinum býr gleði sönn
sem geðslag þjóðar mýkir.
Jóhann Alfreð Kristinsson var
fyrst neikvæður:
Og þjóðin bæði gröm og grönn
grætur, æmtir, sníkir.
En sneri svo við blaðinu:
En fárumst ei, sé sagan sönn
þá sólin brátt allt mýkir.
Úr hópi hlustenda bauð Tómas
Tómasson upp á húsráð:
Eimað soð af ætihvönn
andann freðinn mýkir.
Guðni Þ. T. Sigurðsson:
Fullyrðingin fráleitt sönn,
freklega nú ýkir.
Ingólfur Ómar Ármannsson:
En sólarglæta og gleði sönn
geðið okkar mýkir.
Hallgrímur Helgason á Vopna-
firði:
Illileg frá hafíshrönn
hungurvofan kíkir.
Hlustendur geta sent botna og til-
lögur að fyrripörtum í ord@ruv.is
eða til Orð skulu standa, Ríkis-
útvarpinu, Efstaleiti 1, Reykjavík.
Orð skulu standa
Hvað eru letikonuhrukkur?