SunnudagsMogginn - 31.10.2010, Síða 9

31. október 2010 9
B
andarísk auglýsingaherferð hvetur
feður til að taka ríkari þátt í lífi
barna sinna en hingað til. Herferðin
kemur í kjölfar bandarískra rann-
sókna sem sýna að níu af hverjum tíu að-
spurðra telja að fjarvera feðra frá börnum sín-
um sé verulegt vandamál.
Sagt er frá herferðinni í grein í New York
Times, en í raun er um að ræða framhald her-
ferðar sem ráðist var í árið 2008. Í bæði skipt-
in hefur bandaríska auglýsingastofan Camp-
bell-Ewald gefið vinnu og hönnun
auglýsinganna, sem unnar eru fyrir opinberar
fjölskyldustofnanir og samtök. Að þessu sinni
er athyglinni beint að feðrum sem eru af as-
ískum og rómönskum uppruna eða afkom-
endur bandarískra indíána. Fyrri herferð
sýndi m.a. blökkumann aðstoða dóttur sína
við klappstýruæfingar, auk rómanskra og
hvítra feðra.
Skilaboð auglýsinganna eru m.a. að „hinar
smæstu stundir geta haft stærstu áhrifin í lífi
barns“, og feður eru hvattir til að „taka sér
tíma til að vera pabbi í dag“.
Ný rannsókn staðfestir að feður í Banda-
ríkjunum eigi í tilvistarkreppu. Samkvæmt
henni telja níu af hverjum tíu bandarískum
foreldrum það jaðra við „hættumörk“ hversu
fjarverandi feður eru börnum sínum. Þá benda
samtök ábyrgra feðra á að börn, sem njóti ekki
samvista við feður sína, séu að meðaltali tvisvar
til þrisvar sinnum líklegri til að eiga við heilsu-
farsleg vandamál að etja, ganga illa í skóla,
verða fórnarlömb ofbeldis eða ánetjast glæpum
en jafnaldrar þeirra sem búa með báðum for-
eldrum sínum. Á hinn bóginn séu börn, sem
eigi kærleiksríka feður sem taki þátt í uppeldi
þeirra, mun líklegri til að mennta sig, hafa heil-
brigða sjálfsmynd og forðast áhættusama hegð-
un.
Um 24 milljónir bandarískra barna, eða einn
þriðji allra þarlendra barna, búa ekki með líf-
fræðilegum föður og hjá nærri 20 milljónum
þeirra er móðirin einstæð.
Nýja herferðin samanstendur af sjónvarps-
auglýsingum, auglýsingaskiltum, vefauglýs-
ingum og símaauglýsingum. Ein sjónvarps-
auglýsingin sýnir föður sem tekur
hljómsveitarglamur með syni sínum fram yfir
að horfa á fótboltaleik í sjónvarpinu ásamt fé-
lögum sínum. Önnur sýnir föður og dóttur með
læknagrímur fyrir vitum sem eru að fram-
kvæma skurðaðgerð, og dóttirin réttir föður
sínum hvert skurðtólið á fætur öðru. Í ljós kem-
ur að sjúklingurinn er bangsi þeirrar stuttu.
Það er leikarinn Tom Selleck sem les inn á
auglýsingarnar en hönnuðir þeirra segja mark-
mið auglýsinganna að sýna fram á að feður þurfi
ekki að vera hetjur til að sinna pabbahlutverk-
inu – aðeins að eyða svolítlum tíma með börn-
unum sínum.
ben@mbl.is
Engan hetjuskap –
bara svolítinn tíma
Feður eru í auglýsingunum hvattir til að áætla tíma í pabbahlutverkið.
Auglýsingaherferð
hvetur feður til að taka
ríkari þátt í uppeldi
barna sinna