Teningur - 01.10.1991, Blaðsíða 40

MYNDLIST
Frá sýningu í Galleríi svörtu á hvítu 1987. Olíumálverk unnin 1984-7, flest 40x50 cm að stœrð.
hátt. Mér finnst ég hafi farið gegnum
vissan ferii, farið hratt og vítt yfir, en
vera núna að spóla til baka. Ég nota
sumt af því gamla, en öðru hendi ég
út. Mér finnst ég vera að hreinsa til
og búa til eitthvað samþjappaðra úr
öllum efniviðnum.
BÚSKAPARLIST
HÞF: Má tengja list þína við svokall-
aða alþýðulist? Mér finnst einkenn-
andi í þínum klippum að hlutirnir eru
nátengdir þér og minna þá á bænda-
menninguna eins og ég upplifði hana.
Allt nýtilegt hirt og svo tínt úr hrúg-
unni ef til dæmis þurfti að smíða hlið
og gera við hitt og þetta. Þetta finnst
mér yfirleitt fallegir hlutir, þessar við-
gerðir sem kannski má kalla sjálfs-
þurftarviðgerðir, samanber sjálfs-
þurftarbúskap. Mér finnst þú
stundum vera búmannsskúlptúristi og
þetta finnst mér ólíkt mörgum
öðrum, að fylla upp í gatið frekar en
að benda á það og segja að það sé
gat.
KGH: Já ég hcld það. Síðustu tvö,
þrjú ár hef ég fundið fyrir sterkum
tengslum við ýmis konar alþýðulist og
ekki síst þessa sérkennilegu alþýðu-
rithöfunda og fræðimenn sem úði og
grúði af, sjómenn og bændur sem
skrifuðu um bókstaflega allt sem á
vegi þeirra varð, efnisvalið gífurlega
fjölbreytt: Mannlífsþættir, mannlýs-
ingar, sögur af dýrum, draugasögur,
skýringar á örnefnum, kímnisögur
o.s.frv. Mér hefur einmitt fundist
þessi „skúlptúrgerð“ hjá bændum
mjög sjarmerandi, þessi hlið sem eru
klömbruð saman. Þessi klambursmíð
er eitthvað sem höfðar til mín.
EP: Þú hirðir ekki það sem fólk
hendir frá sér?
KGH: Ég er dálítið vandlátur á það
sem ég hirði. Ef einhver kemur til
mín og segir: „Ég fann hérna hlut“,
þá er ég viss með að snúa bara upp á
mig. Fólk skilur ekki í því að ég geti
ekki notað þetta eins og hvað annað.
En ég þarf að finna fyrir einhverju, ég
þarf að upplifa hlutinn cinhvern veg-
inn. Þegar ég nota Ijósmyndir eða
vinn eftir þeim eru það gjarnan ljós-
myndir sem ég hef tekið sjálfur og oft
líka ljósmyndir sem ég hef klippt út
úr blöðum. Ég klippi mikið út úr
38