Birtingur - 01.01.1957, Qupperneq 63

Svar franskra rithöfunda.
Við höfum lesið með mestu athygli bréf
það, sem þið hafið skrifað okkur vegna
yfirlýsingar okkar um atburðina í
Ungverjalandi, og við teljum það ákaflega
mikilvægt, að bréf ykkar skuli hafa komið
fram. Enda þótt satt sé, að sumir okkar
hafi fengið tækifæri til að hitta nokkra úr
ykkar hópi á fundum rithöfunda og
menntamanna og á heimsþingum
Friðarhreyfingarinnar, þá er þetta í fyrsta
sinn, að þið hef jið raunverulegar rökræður
við útlenda stéttarbræður ykkar, sem hafa í
nafni sósíalismans orðið til þess að vega
og meta stefnu ráðstjórnarinnar. Við lýsum
ánægju okkar með þetta frumkvæði. Það
fær okkur til að álykta eins og þið, að þegar
öll kurl koma til grafar „siglum við allir
á sömu fleytunni", því að við erum fyrir
okkar leyti sannfærðir um, að héðan í frá
sigli þeir allir á sömu fleytunni, sem í
baráttunni fyrir sósíalismanum eru reiðubúnir
til frjálsra rökræðna við baráttufélaga
sína um deiluatriði, í stað þess að fordæma
þá, bregða þeim um svik eða fasisma, án
þess að vilja hlusta á þá.
Bréf ykkar hefur þó ekki talið okkur
hughvarf, bæði vegna þess að við álítum
sxunar af athugasemdum ykkar ekki nógu
vel grundaðar né nógu nákvæmar, og
skilgreining okkar á atburðunum er af þeim
sökum önnur en ykkar.
I. — Sannarlega vitum við, að f jölmenn
afturhaldsöfl hafa notfært sér uppreisn
fólksins í þeim tilgangi að berjast gegn
stjórnskipun sósíalismans; við þekkjum
ræðu Mindszentys, við vitum að flóttamenn
úr hópi Horthy-sinna hafa brugðið hart við
í útlöndum. Við erum sannfærðir xun, að
þessir sömu flokkar manna hafa hugsað
gott til glóðarinnar að endurreisa gamla
stjórnarfarið og að þeir hafa lagt sig alla
fram um að koma því í kring, hvattir af
vissum samtökum amerískum, sem hafa þó
ekki þorað að veita þeim verulega aðstoð, er
til kastanna kom. Við vitvun einnig, að þessir
sömu ungversku flóttamenn tóku virkan
þátt í árásinni á Chateaudun-gatnamótum
(bækistöðvar franska kommúnistaflokksins.
þýð.), sem við höfum öll fordæmt. 1 stutu
máli: Við neitum því ekki, að þegar
atburðirnir í Ungverjalandi gerðust, hafi
Btafað hætta frá afturhaldinu, en við drögum
í efa að hún hafi verið jafnmikil og þið viljið
vera láta, og við álítum sérstaklega, að það
atriði verði ekki aðskilið og einangrað frá
pólitísku samhengi þessa máls, sem er
einmitt veigamikið og þar sem sérstaklega
jákvæð öfl koma við sögu. Ef menn sjá
ekkert annað en þessa hættu, gera þeir
samskonar villu og það væri til dæmis, ef við
segðum, að fyrst kommúnistar berjist við
hlið þjóðernissinna í Alsír, þá standi Moskva
á bak við uppreisn landsmanna þar-
Yfirleitt virðist okkur, að fréttir
Tass-fréttastofunnar og greinar í Pravda
hafi sýnt tilhneigingu í þá átt að gera mikið
úr vissum atriðum, án þess að benda alltaf
á sannanir því til réttlætingar, og túlka
þessi atriði einhliða, þ.e.a.s. rangfæra þau.
Af þessum sökum virðist okkur, að þið
hafið sjálfir ekki fengið að vita allan þann
sannleika, sem þið biðjið okkur að
gaumgæfa, og að stjórn ykkar hafi sjálf
vafalaust fengið rangar fregnir af ástandinu
eins og það raunverulega var, úr því að þið
viðurkennið að hún hafi ekki i tæka tíð
49