Íslenskt mál og almenn málfræði - 01.01.1983, Qupperneq 32

30
Ingólfur Pálmason
Að ráði Guðjóns hringdi ég í skólastjóra í þeim sveitum sem við ætl-
uðum að sækja heim, en það voru þeir Þorsteinn Jóhannsson í Svínafelli
í öræfum og Torfi Steinþórsson á Hala í Suðursveit. Samdi ég síðan
verkefni til könnunar á r/-r/i-framburði og einhljóðaframburði á undan
gi, framborið -ji (sjá Viðbæti). Til könnunar á /zv-/A:v-framburði notaði
ég texta Björns Guðfinnssonar (sjá Mállýzkur I, bls. 146).
2. Efnissöfnunin
2.1 Fyrri ferðin
Við Þuríður hófum könnunina/söfnunina að Svínafelli í Öræfum.
Fengum við inni hjá Þorsteini skólastjóra og tókum upp „raddir“ 13
einstaklinga á aldrinum frá tvítugu til áttræðs (meðalaldur ítæp 40 ár).
Fengum við þarna hinar ágætustu viðtökur og virtist mér fólk hafa
ánægju af að spjalla við okkur og alls óhrætt við upptökutækið. Hafði
Þuríður gjarnan orð fyrir okkur og fannst mér henni takast mætavel að
túlka mál okkar án þess að segja of mikið. Gafst mér þá tóm til að skrá
fæðingardag fólks og annað sem okkur fýsti að vita, auk þess sem ég
hlustaði eftir sérkennum í málfari manna. Var koman að Svínafelli mjög
einkennandi fyrir það hlýja viðmót sem við áttum að mæta í báðum
ferðum okkar um sýsluna. Héldum við að Hofi um kvöldið og bættum
þar við 14 hljóðhöfum (meðalaldur 48 ár). Fór upptakan fram í sam-
komuhúsinu og var hringt í fólk af næstu bæjum.
Frá Hofi héldum við daginn eftir að Fagurhólsmýri og fengum að
hafa bækistöð okkar á heimili Odds heitins Jónssonar kaupfélagsstjóra.
Hér lásu 7 (meðalaldur 30 ár).
Næsti áfangastaður var að Hnappavöllum. Fór upptaka fram á
heimili Páls Þorsteinssonar, fyrrverandi alþingismanns. Bættust þarna 5
í safnið (meðalaldur 51.4 ár).
Um kvöldið héldum við að Hala í Suðursveit. Áttum við þar fróð-
legar viðræður við Steinþór bónda Þórðarson, sem hafði frá mörgu að
segja og fór með kveðskap eftir Skaftfellinga. Tókum við sumt af því
efni upp á spólu. Hygg ég að Steinþór sé dágóður fulltrúi fyrir framburð
Suðursveitunga á fyrri hluta þessarar aldar. Verkefnin lásu 10 auk
tveggja sem ekki þóttu eiga heima í þessari könnun (meðalaldur 28.2
ár). Morguninn eftir gerðist Torfi skólastjóri leiðsögumaður okkar um
sveitina. Fór upptaka fram á þessum bæjum: Skálafelli, Smyrlabjörg-