Skólablaðið - 01.05.1993, Side 2

SKÓLADLAÐIÐ
SKÓlABtAÐIÐ
69. árgangur • 1. tölublað • Maí 1993
Útgefandi:
Skólafélag Menntaskólans í Reykjavík
Ritnefnd:
Erla Skúladóttir, 5.Z, ritstjóri, Hrannar Már
Sigurösson, 5.A, ábyrgðarmaður, Benedikt Ingi
Tómasson, 4.R, Borgar Þór Einarsson, 4.U og
Úlfur Eldjárn, 3.H.
Ljósmyndarar:
Magnús Þór Ágústsson, 6.X, Guðjón Karl
Þórarinsson, 6.Z og Sólveig L.
Guðmundsdóttir, 4.A.
Teikningar:
Pétur Arnar 5.Z og SLB
Prófarkalestur:
Ritnefnd
Umbrot, filmuvinna og prentun:
Borgarprent
Ritnefnd þakkar öllum þeim sem lögðu hönd á
plóginn við gerð þessa blaðs.
Editor dicit
„MR - ingar þurfa ekki hroka, þeir eru bestir“!?!
Agœti lesandi
Eftir lágdeyðu undanfarinna ára hafa MR-ingar loks
sýnt alþjóð hvað í þeim býr; sigur í „Gettu betur“ og
Söngkeppni framhaldsskólanna, annað sæti í MORFÍS
og framúrskarandi árangur í stærðfræði- og eðlisfræði-
keppnum vetrarins eru rósir í hnappagöt MR-inga.
Þessi velgengni hefur óhjákvæmilega sett mark sitt á
félagsstarf Menntaskólans í vetur og því hlýtur Skóla-
blaðið að vera sama marki brennt; í blaðinu má meðal
annars finna umfjöllun um MORFÍS, spumingaliðið,
Söngkeppni Menntaskólans og Litháenreisu nokkurra
stærðfræðinga. Nokkrar smásögur og ljóð eftir nem-
endur eru í blaðinu en mér býður svo grunur að ófáir
nemendur skólans lumi á gullmolum sem vel ættu
heirna í blaði sem þessu. Af því tilefni vil ég benda á
að kassinn sem hangir í anddyri Gamla skólans og á
stendur „Skólablaðið“er ætlaður fyrir efni í blaðið en
ekki rusl, eins og margir virðast ætla. Glöggir lesendur
taka eflaust eftir því að Quid novi?, sem verið hefur
fastur liður í Skólablaðinu um nokkurt skeið, er sleppt í
þessu tölublaði - það er álit undirritaðrar að slíkur dálk-
ur eigi fremur heima í Skólatíðindum. Reynt hefur
verið að draga úr fjölda umfjallana um einstaka smáat-
burði félagslífsins enda telur ritnefnd að slrkt ætti frek-
ar að vera í verkahring Skólatíðinda. Með von um að
blaðið falli þér vel.
Erla Skúladótttir, ritstjóri