Tímarit Þjóðræknisfélags Íslendinga - 01.01.1962, Page 97

ÞINGTÍÐINDI
79
einnig að vera oss vakning þjóðræknis-
lega og hvatning til sterkari átaka _ í
þeim efnum. Minnug þess fögnum vér
því þá einnig einlæglega, að vér fáum
að heyra af segulbandi hér á þinginu
kveðjur til vor Vestur-íslendinga frá
forsetahjónunum, er munu finna næman
hljómgrunn og auka um leið á hátíðleik
og þjóðræknislegt gildi þessa ársþings
vors.
En í lífinu, eins og í veðurfarinu í
hinni ytri náttúru, skiptast á skin og
skuggar; þannig hefir það einnig verið
í sögu félags vors á liðnu ári. Dauðinn
hefir verið stórhöggur í fylkingu vora,
en þessum félagssystkinum höfum vér
átt á bak að sjá á árinu, að því er fjár-
málaritari Guðmann Levy segir mér:
Dr. Charles Venn Pilcher, aðstoðar-
biskup við St. Andrews dómkirkjuna í
Sydney í Ástralíu, heiðursfélagi; Dr.
John C. West, fyrrv. forseti Ríkishá-
skólans í N. Dakota (University of N.
Dakota), Grand Forks, N. Dak., heiðurs-
félagi; Gamaliel Thorleifsson, Garðar,
N. Dak., heiðursfélagi deildarinnar
„Báran“; Benedikt Ólafsson, Winnipeg,
varaskrifari deildarinnar „Frón“;
Hjálmur V. Thorsteinsson, Gimli, vara-
fjármálaritari deildarinnar „Gimli“;
Mrs. Sylvia Kárdal frá Gimli, í St. Paul,
Minn.; Mrs. Ingibjörg Pálson, Selkirk;
Björn Björnson, Lundar; Magnús Gísla-
son frá Árborg, Gimli, Manitoba; Pálmi
M. Sigurðsson, Boston, Mass.; Hallur E.
Magnússon, Seattle, Wash., fyrrv. forseti
deildarinnar „Vestra“, Seattle; H. J.
Halldórson, Vancouver; Anna Harvey,
Vancouver; B. Thorlacius, Vancouver;
Hannes Péturson, Winnipeg; Mrs. Jen-
sína Guttormsson, Riverton, Man.; séra
Sigurður ólafsson, Winnipeg, fyrrv. rit-
ari Þjóðræknisfélagsins; Helgi Stein-
berg, Blaine, Wash.; Þórhalla Elisabet
Arngrímsson, Blaine, Wash.; Magnús G.
Guðlaugsson, White Rock, B.C.
Vér tjáum hlutaðeigendum innilega
samúð vora í tilefni af fráfalli fyrr-
nefndra félagssystkina vorra, en þeim
þökkum vér trúnaðinn og stuðninginn
við málstað félags vors, og vottum þeim
virðingu vora með því að rísa á fætur.
En þrátt fyrir þau áföll, sem félags-
skapur vor hefir orðið fyrir við missi
margra ágætra manna og kvenna úr
hópnum, sæmir oss, er uppi stöndum,
eigi annað en sækja fram undir merkjum
félagsins, því að göfugum málstað er
það að vinna, varðveizlu og ávöxtun
dýrustu erfða vorra. í þeim anda hefir
stjórnamefnd félagsins leitazt við að
framkvæma þau mál, er síðasta þjóð-
ræknisþing fól henni á hendur. Svo eru
alltaf ný mál, sem koma til hennar
kasta, og að þessu sinni stórmál, en að
sama skapi ánægjulegt, þar sem var
heimsókn íslenzku forsetahjónanna, er
fyrr getur. Stjórnamefndinni þakka ég
prýðilega samvinnu að vanda, og um
annað fram allt hennar starf sem undir-
búningsnefnd að komu forsetahjónanna,
og þá sérstaklega formanni nefndarinn-
ar Gretti ræðismanni, því að mest mæddi
á honum, án þess, að ég vilji á nokkurn
hátt gera lítið úr hlut annars nefndar-
fólks, því að allir innan hennar voru
samhuga um það, að mikilvægt verk
hennar í þessu máli færi sem bezt úr
hendi og yrði félaginu og öðrum aðilum
til sem mestrar sæmdar. Læt ég svo
aðra fella dóm á það, hver árangurinn
varð af þessu heilhuga og umsvifamikla
starfi nefndarinnar. En fleira hafði
stjórnarnefndin og félagið vitanlega með
höndum á árinu, sem nú skal rakið í
megindráttum.
Úíbreiðslu- og fræðslumál
Þau eru, og hljóta alltaf að verða,
meginþáttur í starfi félagsins, enda hef-
ir stjórnarnefndin með ýmsum hætti
unnið að framgangi þeirra. Má þó þar
um segja hið fornkveðna, að betur má,
ef duga skal, svo víðlendur er sá akur,
er þar bíður ræktunar, og sáðmenn-
irnir færri en vera ætti, þótt ýmsir
utan stjórnarnefndarinnar hafi stutt þau
mál í verki. Hefi ég þá í huga einstakl-
inga, félagsmenn og konur á ýmsum
stöðum, og þá eigi síður deildir félags-
ins, er margar hverjar vinna ágætt verk
í þá átt, en eru eðlilega misjafnlega í
sveit settar bæði hvað starfskrafta
snertir og aðra aðstöðu. En þau störf,
sem hér um ræðir, eru oft unnin í
kyrrþey, og sannast þar orð skáldsins:
„Hinn fórnandi máttur er hljóður.“
Fyrrv. forseti félagsins, dr. Valdimar
J. Eylands, hefir eins og áður unnið
félagi voru mikið gagn með ræðum sín-
um og ritsmíðum um íslenzk efni. Tekur
það ekki sízt til hins myndarlega úrvals
úr ræðum hans og ritgerðum, er vinir
hans og velunnarar beggja megin hafs-
ins létu gefa út í tilefni af sextugsafmæli
hans, og var hann vel að þeim heiðri
kominn. Með þökk fyrir ágæt og marg-
háttuð störf hans í þágu félagsins sam-
fögnum vér honum og óskum honum
gæfu og langlífis.
Varaforseti og fyrrv. forseti félagsins,
séra Philip M. Pétursson, hefir flutt
ávörp og ræður um íslenzk efni á sam-
komum og ritað um þau efni í viku-
blað vort. Auk starfa í nefndum, stýrði
hann einnig nokkrum fundum stjórn-
arnefndar í fjarveru minni, og kann ég
honum þakkir fyrir það.
Ritari félagsins, prófessor Haraldur
Bessason, hefir nú sem áður í ræðu og