Tímarit Þjóðræknisfélags Íslendinga - 01.01.1962, Qupperneq 108

90
TÍMARIT ÞJÓÐRÆKNISFÉLAGS ÍSLENDINGA
Ársskýrsla deildarinnar „ísland"
Það voru fjórir fundir haldnir á árinu.
Mrs. Bergthor Emil Johnson heim-
sótti deildina 22. sept. Hún flutti ágætan
og skemmtilegan fyrirlestur og sagði frá
ferðalagi sínu á íslandi árið 1957, einnig
sýndi hún mjög fallegar hannyrðir,
víravirki og aðra mjög fallega muni,
búna til á íslandi. Deildin „ísland“
þakkar frú Kristínu fyrir komuna. Er
hún fjórða konan, sem hefir heimsótt
okkur. Hinar þrjár voru fröken Halldóra
Bjarnadóttir frá íslandi, frú Hólmfríður
Daníelson og fröken Helen Josephson
frá Winnipeg.
Þann 28. október minntist deildin
fjörtíu ára afmælis síns. Þann 12. febrúar
árið 1921 komu 17 manns saman í sam-
komuhúsi Brown byggðar, og var þá
ákveðið að stofna deild, 13 manns voru
þá allareiðu í aðaldeildinni. Aðeins fimm
eru nú á lífi, sem voru á þessum fyrsta
fundi, allir viðstaddir á fertugsafmæl-
inu. Nöfn þeirra eru: Mrs. Kristín Ing-
unn Thomasson, Gísli ólafsson, Mrs.
Louisa G. Gíslason, Mr. og Mrs. Jón B.
Johnson.
Skemmtiskráin byrjaði með söng, sem
allir tóku þátt í, síðan var lesinn fyrsti
fundargjörningur félagsins, ritaður af
Þorsteini J. Gíslasyni, fyrsta skrifara
félagsins. Próf. Haraldur Bessason
flutti næst ágætt erindi, þrungið af vel-
vild og góðum óskum. Jón B. Johnson
einn af stofnendum deildarinnar flutti
ávarp og rifjaði margt upp frá liðnum
árum.
Aðalræðuna flutti dr. Richard Beck,
og gátum við ekki óskað okkur betri
afmælisgjafar. Hann hafði frá mörgu
fróðlegu að segja, var nýkominn frá fs-
landi, sagði frá fimmtíu ára afmælis-
hátíð Háskóla íslands, minntist á gest-
ina frá fjarlægum löndum, hlýju og
indælu samverustundirnar með frænd-
fólki og vinum o. s. frv. Við þökkum dr.
Beck fyrir þessa ágætu ræðu og hans
góðu óskir. Þetta er í sjöunda sinn, sem
hann heimsækir okkur.
Við óskum honum til hamingju með
heiðurinn, sem Háskóli íslands veitti
honum. Frú Margrét Beck kom með
manni sínum, og ungur maður frá fs-
landi, Jóhann Sigurðsson, frændi próf.
Bessasonar, var með í förinni. Við erum
öllu þessu góða fólki þakklát fyrir kom-
una. Líka vil ég, fyrir hönd deildarinn-
ar, þakka próf. Bessason fyrir hans á-
gætu grein í Lögbergi-Heimskringlu um
40 ára afmælishátíðina.
Dr. Jón Guðmundson frá Morden
flutti stutt ávarp og óskaði deildinni
til lukku og blessunar. Karlakórinn
söng, og síðan voru góðgjörðir fram
bornar í neðri salnum.
Embættismenn deildarinnar eru: Ól-
afur Líndal forseti, Benedikt Einarson
varaforseti, Guðrún Thomasson skrifari,
Jonathan Thomasson fjármálaritari, Jón
B. Johnson féhirðir. Með innilegum ósk-
um til þingsins.
Louisa G. Gíslason.
Flutningskona gerði að tillögu sinni,
að skýrslan yrði viðtekin. Sú tillaga
hlaut stuðning margra og var samþykkt
samhljóða.
Frú Anna Austman flutti þessu næst
ársskýrslu þjóðræknisdeildarinnar
„Esjan“ í Árborg.
Ársskýrsla deildarinnar „Esjan"
„Esjan“ hélt tvo almenna fundi á síð-
ast liðnu ári og nokkra nefndarfundi
eftir þörfum. Útlán á bókum hefir hald-
izt við líkt og áður. Nálægt 1300 bækur
voru lánaðar út og 50 manns notuðu
safnið á árinu. Bókasafnið „Vísir“, eign
lestrarfélagsins í Geysir, var sameinað
safni „Esjunnar", og voru nýjar bóka-
hillur smíðaðar til að taka við safninu.
Nokkuð af nýjum bókum var keypt og
nokkrar fengust að gjöf. Bækur voru
lagaðar og bundnar eftir þörf. Eins og
stendur, telur safnið 2400 bækur. Árs-
gjald var borgað til Skógræktarfélags
íslands, og nemur það $10.00. Meðlima-
tala „Esjunnar“ er nú 128.
Deildin hélt tvær samkomur á þessu
ári. Opinn skemmtifundur var haldinn
í Sambandskirkjunni þann 7. maí. Tveir
ræðumenn voru á skemmtiskrá, þeir
próf. Haraldur Bessason og Sveinn
Skorri Höskuldsson. Fluttu þeir báðir
fróðleg og skemmtileg erindi. Einnig
las frú Aðalbjörg Sigvaldason mjög
smellið ljóðabréf. Samkoman var vel
sótt. Að lokinni skemmtiskrá var öllum
viðstöddum veitt kaffi, og gafst fólki
tækifæri á að ræða við gestina.
Þann 16. júní fór fram hin árlega ís-
lenzka samkoma „Esjunnar". Var vandað
til með skemmtiskrána. Aðalræðumað-
ur var hinn góðkunni Valdimar Björn-
son, og fórst honum snilldarlega. Söng-
flokkur undir stjórn Jóhannesar Páls-
sonar og systur hans, frú Lilju Martin,
söng mörg íslenzk lög og tókst með af-
brigðum vel, eins og von var til, þar
sem þau systkin áttu hlut að máli-
Einnig kom Kristín Skúlason fram a
leiksviðið sem „fjallkonan". Jóhannes
Pálsson lék á fiðlu með aðstoð Lilju
Martin. Frú Vordís Oddleifson las upp
þrjú kvæði eftir ný-íslenzk skáld. Sam-
koman var vel sótt og í alla staði mjög
hátíðleg stund. Að endingu voru veit-
ingar fram bornar af félagskonum.
„Esjan“ tók þátt í boði fyrir Forseta
fslands, herra Ásgeir Ásgeirsson, sem