Fréttatíminn - 13.12.2013, Blaðsíða 50

T il að koma í veg fyrir að detta í óhollustu er mikilvægt að borða alltaf morgunmat, borða þrjár aðalmáltíðir yfir daginn og sleppa
því að borða eftir kvöldmat,“ segir Guðríður
Torfadóttir, annar þjálfara í raunveruleika-
þáttunum The Biggest Loser Ísland sem
hefur göngu sína á SkjáEinum eftir áramót.
„Mikilvægt er að drekka vatn reglulega yfir
daginn. Gott ráð er að setja bara einu sinni
á diskinn, muna að tyggja matinn og borða í
rólegheitum. Ef fólk er dottið í einhverja syk-
urvímu er alltaf best að fara út og hreyfa sig
því það hjálpar líkamanum að hreinsa sig.“
Tökum á þættinum er lokið en þar kepptu
þátttakendur í þyngdartapi og dvöldu á
heilsuhótelinu Ásbrú í 10 vikur þar sem þeir
reyndu að umbreyta lífsstíl sínum. Fréttatím-
inn fékk Guðríði til að deila þekkingu sinni
af heilsurækt með lesendum.
Jólin eru matarhátíð. Hvað finnst þér um
það?
„Það er bara mjög eðlilegt að fólk komi
saman yfir jólin, gleðjist og borði góðan mat.
Hátíðardagarnir eru bara fimm og það ætti
ekki að hafa slæm áhrif ef fólk borðar í hófi
og nýtur matarins. Vandamálið er hins vegar
að desember virðist vera orðinn einhver
sukkmánuður í mat, sælgæti og drykk. Að
nota jólahátíðina sem afsökun fyrir því að
borða yfir sig aftur og aftur og þyngjast um
mörg kíló er ekki gott mál.“
Hvaða ráða gefur þú keppendum í The
Biggest Loser til að viðhalda heilsusamlegra
líferni þegar keppendur eru komnir heim til
sín?
„Skipulag er það sem skiptir öllu máli fyrir
þau, vera með raunhæf markmið og hreyfa
sig á hverjum degi.“
Fylgið þið þjálfararnir þátttakend-
um eftir nú þegar dvölinni á Ásbrú
er lokið?
„Þeir eru margir að æfa hjá
okkur bæði í ReebokFitness
og Crossfit Reykjavík og
því hittum við þau reglu-
lega. Hin erum við í
sambandi við eins
og þarf og þau
vita að þau geta
alltaf hringt
í okkur til
að fá smá
hvatn-
ingu eða
ráðlegg-
ingar.“
Bakar þú
fyrir jólin?
„Ég baka ekki
sérstaklega
fyrir jólin. Ég kaupi
tilbúið piparkökudeig
í Ikea til að skera út og
mála. Þetta er aðallega gert
fyrir börnin mín sem hafa mjög
gaman að þessu.“
Desember er mjög annasamur hjá
mörgum. Hvaða ráð hefur þú fyrir þá
sem vilja hreyfa sig í erli dagsins?
„Öll hreyfing skiptir máli og flestir
ættu að geta fundið 10-15 mínútur
á dag til að hreyfa sig. Ef fólk er
að vinna mikið þá mæli ég með að
nýta matarhlé í gönguferðir. Heima
er líka hægt að gera æfingar eins
og armbeygjur og hnébeygjur í 10
mínútur. Annars er desember frá-
bær mánuður til að byrja í líkams-
rækt. Við hjá ReebokFitness ætlum
að hafa frítt frá 23. desember til
2. janúar ef fólk vill koma og prófa
æfa með okkur um jólin.“
Erla Hlynsdóttir
erla@frettatiminn.is
 Heilsa MikilvægT er að Missa sig ekki í jólaáTinu
Jólin ekki
afsökun til að sukka
Guðríður Torfadóttir, annar þjálfara í raunveruleikaþættinum The Biggest Loser Ísland, segir
mikilvægt að hreyfa sig daglega jafnvel þó það sé lítið í einu. Henni finnst jólin engin afsökun til
að borða ítrekað yfir sig og þyngjast verulega á stuttum tíma.
Hollar
trufflur
„Á vefnum heilsumamman.is fann ég uppskrift af Trufflum
sem ég er mjög hrifin af,“ segir Guðríður.
Trufflur
3 dl döðlur
1 dl kakó
3 msk kakósmjör (brætt)
1 tsk vanilludropar eða 0,5 tsk vanilluduft
0,5 tsk himalayasalt
Leggið döðlurnar í bleyti í smástund, hellið vatninu af
og maukið í matvinnsluvél. Bræðið kakósmjörið við mjög
lítinn hita eða yfir vatnsbaði og bætið saman við. Bætið
kakói, salti og vanillu saman við og blandið vel saman.
Mótið litlar kúlur (þið gætuð þurft að stinga deiginu inn í
ísskáp í smástund ef það er of
lint). Veltið kúlunum upp
úr kakói, kókos eða
möluðum hnetum og
kælið (líka hægt að
setja eina hnetu
inn í miðjuna, dýfa
kúlunni í súkkulaði
og skreyta með
hnetubita.) Ég
mæli líka með að
gera kökupinna úr
kúlunum. Það slær
alveg í gegn hjá
krökkunum. Þessi
er holl og góð
og börnin elska
þetta.
Guðríður
Torfadóttir
bendir á að
hátíðisdag-
arnir séu
bara fimm
þannig að það
þurfi enginn
að missa sig í
sukki yfir jólin.
50 viðtal Helgin 13.-15. desember 2013