Fréttatíminn - 13.12.2013, Blaðsíða 70

Yamaha hljómborð
Verð frá 39.990
Rafmagnspíanó
Verð frá 109.990
Klassískir gítarar
Verð frá 18.990
Prensonus heimastúdíó
Verð frá 39.990
Tónlistarjól!
VIÐ HÖFUM RÉTTU GRÆJURNAR
Fender CD60 þjóðlagagítar
með stillitlæki DVD ofl.
Verð frá 26.990
Zahra, Fereshteh
ásamt Hrefnu Hrund
Pétursdóttur sem
er sjálfboðaliði hjá
Rauða krossinum
og hefur verið fjöl-
skyldunni til halds og
trausts. Ljósmynd/Hari
Hef lært mikið af þeim
É g var hér í íbúðinni og tók á móti þeim þegar þær komu. Þær voru mjög þreyttar eftir
langt ferðalag,“ segir Hrefna Hrund
Pétursdóttir, sjálfboðaliði hjá Rauða
krossinum, sem hefur verið Zahra,
Fereshteh og móður þeirra, Hava
Mesbah, til halds og trausts eftir
að þær komu til Íslands fyrir rúmu
ári. „Ég bauð þær velkomnar, sýndi
þeim herbergin þeirra og sagði
þeim frá því að þær mættu drekka
vatnið úr krananum.“
Hrefna segist hafa ákveðið að
gerast sjálfboðaliði hjá Rauða
krossinum því hún hafi mikinn
áhuga á fólki og samskiptum.
„Síðan er maðurinn minn frá Tyrk-
landi og ég hef mikinn áhuga á
menningu annarra þjóða og finnst
ég græða á að kynnast henni. Mér
fannst hjálparstarf Rauða krossins
áhugavert og spennandi og langaði
að taka þátt. Ég fór því á vefsíð-
una þeirra, skráði mig sem sjálf-
boðaliða og í framhaldinu var haft
samband við mig. Ég valdi síðan
að taka þátt í þessu flóttamanna-
verkefni því mér fannst það mest
spennandi,“ segir Hrefna.
Nokkrir sjálfboðaliðar vinna
með hverri flóttamannafjölskyldu
og misjafnt er hversu mikill tími
fer í starfið. „Við hittumst um
einu sinni í viku en aðrir hittast
kannski bara einu sinni í mánuði. Í
svona verkefnum fer kannski meiri
tími í þau til að byrja með þegar
fólk þarf á mestum stuðningi að
halda. Svo verður fólk meira sjálf-
bjarga og þá er þetta kannski
orðin meiri vinátta. Ég hef farið
með þeim að versla, kennt þeim
á strætó og skutlað þeim. Mér
fannst líka virkilega gaman að fara
með þeim á skauta. Þær höfðu
aldrei farið áður á skauta. Ég hafði
þá sjálf ekki farið á skauta í mörg
ár þannig að þetta var líka áskorun
fyrir mig. Ég fór líka með þær í
fyrstu fjallgönguna á Íslandi þegar
við gengum á Úlfarsfell. Það var
líka mikið ævintýri.“
Ein af ástæðunum fyrir því að
Hrefna valdi að starfa hjá Rauða
krossinum er að vinkona hennar
var sjálfboðaliði í skaðaminnkun-
arverkefninu Frú Ragnheiður sem
ætlað er að ná til jaðarhópa sam-
félagsins, svo sem útigangsfólks
og fíkla. Vinkonan lét svo vel af
sjálfboðastarfinu að áhugi Hrefnu
á því að leggja sitt af mörkum
jókst. Meðal annarra verkefna sem
sjálfboðaliðar sinna er að starfa
í athvörfum, flokka föt sem gefin
eru og svara í hjálparsímann.
Öllum býðst að fara á námskeið til
að undirbúa sig.
„Ég er búin að læra mjög mikið
af þeim og mér finnst alveg ótrú-
legt hvað Zahra og Fereshteh eru
alltaf jákvæðar og bjartsýnar, sér-
staklega í ljósi allra þeirra hremm-
inga sem þær hafa lent í. Ég hef
líka fengið tækifæri til að kynn-
ast matarhefðum þeirra og þær
elda svakalega góðan mat. Þær
mæðgur hafa boðið mér og öðrum
sjálfboðaliða í mat þar sem þær
lögðu dúk á gólfið, röðuðu síðan
réttunum á dúkinn og við settumst
á gólfið og borðuðum saman. Þetta
voru alls konar krydduð hrísgrjón,
kjúklingur, brauð og bara virkilega
góður matur. Ég hef líka tekið eftir
hvað þær eru rosalega metnaðar-
fullar. Þær leggja sig mjög fram í
skólanum og eru staðráðnar í að
standa sig vel. Ég hef grætt mikið
á því að kynnast þeim og í dag er
ég bara að heimsækja vini mína
þegar ég fer til þeirra.“
Erla Hlynsdóttir
erla@frettatiminn.is
Hrefna Hrund Pétursdóttir, sjálf-
boðaliði hjá Rauða krossinum,
tók á móti mæðgunum þegar
þær komu til landsins og í dag
lítur hún á þær sem vini sína.
70 viðtal Helgin 13.-15. desember 2013