Læknablaðið - 01.12.1975, Blaðsíða 33

LÆKNABLAÐIÐ
103
Afgreiðsla mála frá síðasta aðalfundi
Fundarályktanir síðasta aðalfundar L.I. hafa
verið sendar þeim opinberu aðilum, sem tillög-
urnar snerta, en einnig hafa þessar tillögur
verið sendar ýmsum öðrum aðilum og efni
þeirra verið kynnt opinberlega.
Fréttabréf L.l.
Á aðalfundi L.I. í Vestmannaeyjum 1 júní
1970 var samþykkt tillaga þess efnis að sjá um
útgáfu fréttabréfs til svæðafélaganna eða láta
birta reglulega fréttapistla í Læknablaðinu.
Þar sem fréttaþjónusta þessi er nýjung í starf-
semi félagsins og einnig m.t.t. þess, að útgáfa
Læknablaðsins hefur orðið fyrir allmiklum töf-
um á þessu ári, þá þótti réttara að hefja starf-
semi þessa með sérstöku fréttabréfi og voru
þrjú slík bréf gefin út, eitt i nóvember, annað
í apríl og það síðasta í ágúst. Fyrsta frétta-
bréfið var eingöngu sent formönnum svæða-
félaganna, enda fjallaði það að mestu um aðal-
fundinn og samþykktir, sem þar voru gerðar.
Félagsmenn óskuðu samt eftir, að bréf þetta
yrði sent öllum læknum utan Reykjavíkur og
var það gert. Síðari fréttabréfin hafa einnig
verið send öllum læknum utan Reykjavíkur og
síðasta fréttabréfið, sem kom út í ágúst, var
sent öllum meðlimum L.l. Þá hefur verið rætt
við L.R. um að gefa út sameiginlegt fréttabréf
fyrir bæði félögin, og er í síðasta fréttabréfi
raunar spor í þá átt, því að þar er efni, er
vnrðar alla meðlimi L.l. og væri mjög æskilegt
að koma á samvinnu við L.R. i sambandi við
þessa útgáfustarfsemi. Efni fréttabréfanna
hefur aðallega verið byggt upp af úrdráttum
úr stjórnarfundargerðum L.I. og einnig hafa
verið settir úrdrættir úr bréfum, sem stjórn
L.I. hefur skrifað, og birtar í heild álitsgerðir,
sem sérfræðilegir ráðunautar félagsins hafa
samið. Þá hefur læknum verið gefinn kostur á
að koma á framfæri hugmyndum i bréfi þessu
eftir því, sem þeir hafa óskað. Þetta hafa
læknar á Akureyri notfært sér, og hefur verið
komið á framfæri þar upolýsingum um heim-
ilislæknisþjónustu þar í bæ og upplýsingum
um þann læknaskort, sem þar ríkir, svo og
starfsaðstöðu fyrir lækna í almennum praksís.
Sumardvalarheimili lœkna
I samræmi við samþykkt, sem gerð var á
aðalfundi L.I. 1970, ákvað stjórnin að skrifa
bréf til svæðafélaganna og kanna áhuga þeirra
á því. að iæknasamtökin beittu sér fyrir kaup-
um á jörð, Þar sem aðstaða væri til þess að
reisa sumarbústaði og jafnframt æskilegt, að
veiðiaðstaða fylgdi með. Sum :'f aðildarfélög-
unum skrifuðu öllum meðlimum sínum bréf
varðandi þetta mál. en fengu mjög fá svör.
Yfirleitt hafa þær undirtektir, sem stjórn L.I.
hefur fengið. verið miög dræmar, og virðist
áhugi fyrir þessu máli næsta lítill. Á það var
bent í bréfinu, að á undanförnum 2—3 árum
hafa fjölmörg félagasamtök fest kaup á land-
svæðum í sama skyni. þannig að gera má ráð
fyrir, að bráðlega verði mjög örðugt óg æ dýr-
ara að fá keypt land, þar sem reisa megi
marga sumarbústaði við hentugar aðstæður.
Þar sem undirtektir hafa verið svo dræmar
frá félagsmönnum, hefur stjórn L.I. ekki séð
sér fært að gera neitt frekar í máli þessu.
Stofnun Embœttislœknafélags
Meðal þeirra ákvarðana, sem teknar voru á
aðalfundi 1970, var stofnun Embættislækna-
félags, en það mál hefur verið á döfinni i ára-
tug eða lengur, en aldrei náð endanlega fram
að ganga. Á síðasta fundi var.kosin undirbún-
ingsstjórn í félag þetta, og kallaði stjórn L.l.
hana til fundar. Var henni falið að semja drög
að lögum og ganga frá varanlegri stjórn í fé-
laginu, og framkvæmdi undirbúningsstjórnin
það verk og tilkynnti um endanlega stofnun
Embættislæknafélags Islands, sem starfar sem
deild innan L.I., og mun það samrýmast lögum
L.I., þar eð aðalfundur hefur viðurkennt fé-
lagið. Undirbúningsstjórn þessa félags skipuðu:
Jón Sigurðsson, borgarlæknir, Brynleifur
Steingrímsson, ritari og Baldur Johnsen. Vara-
menn voru: Þórður Oddsson og Bragi Ólafs-
son. Stjórn þessa félags skipa nú: Kjartan Jó-
hannsson, formaður, Grímur Jónsson, Friðrik
Sveinsson, Brynleifur Steingrímsson og Þórður
Oddsson. Lög félagsins fylgja með ársskýrsl-
unni sem fylgiskjal. Embættislæknafélagið
bauð til fundar norrænna embættislækna í
Reykjavík dagana 13.—16. ágúst 1971, og sóttu
þann fund 114 erlendir gestir, en aðalefni
fundarins var mengunarvandamálið og læknis-
Þiónusta utan sjúkrahúsa, og voru 5 erindi
flútt um hvort efni.
Erindi fluttu: Baldur Johnsen, B. Mollstedt,
Aage Gilberg. Tore Kristiansen, Kosti Mylly-
koski, Brynleifur Steingrímsson, Rainer
Westerlund, H. P. Nesvold, P. Hye- Knudsen
og Henry Larsby
Aðild að Landssambamdi gegn áfengisbölinu
Á aðalfundi L.l. 1970 var ákveðið, að L.I.
gerðist aðili að Landssambandi gegn áfengis-
bölinu, og kaus stjórnin þessa menn til að vera
fulltrúa í stjórn félagsins á fundum sambands-
ins: Baldur Johnsen og Jakob Jónasson. Bind-
indisdagur 1970 var sunnudagurinn 1. nóvem-
ber.
Umrœður um aðild að Stjórnunarféiagi Isiands
og sijórnunarmál
Á aðalfundi 1970 var samþykkt heimild fyrir
st.iórn L.I. að gerast aðili að Stjórnunarfélagi
Islands, ef slíkt teldist hagkvæmt fyrir lækna.
St.jórnin hafði í hyggju að halda námskeið í
stjórnun fyrir lækna. og hafði samráð við
framkvæmdastjóra Stjórnunarfélagsins, og
kynnti hann þau námskeið, sem Stjórnunar-
félagið gæti boðið læknum. Við athugun á því
máli sýndist flestum, að námskeið þessi væru
cf einhliða bundin við rekstur verzlunarfyrir-
tækja, til þess að þau gætu komið að verulegu
gagni. Telur stjórn L.I. því enn ekki tímabæra
aðUd að Stjórnunarfélagi Islands
Ákveðið var að halda umræðu- og fræðslu-
fund um hlutverk lækna í stjórnun heilbrigðis-