Læknablaðið - 15.05.1995, Side 43

LÆKNABLAÐIÐ 1995; 81
415
Mynd 2. Áhrif GABAB-agonistans baclofen á b-bylgju og sveifluspennur. Skráningin lengst til vinstri var tekin við yfirflœði
venjulegrar Ringerlausnar. í miðjunni sjást áhrif yfirflœðis 0,1 mM baclofen (BA C) 120 sekúndur. Skráningin til hœgri er tekin
eftir fimm mínútna þvott með venjulegri Ringerlausn. Kvörðun tíma og spennu og birtumagn Ijósertingar er hin sama og í
mynd 1.
Control 0.1 mM AVA Recovery
Mynd 3. ÁhrifOJ mM AVA (aminovaleric acid) á sjónhimnurit Xenopus laevis. Til vinstri sést svarið á meðan yfirflæðið var
venjuleg Ringerlausn. Miðskráningin sýnir sjónhimnurit eftir 50 sekúndna yfirflœði með 0,1 mM AVA. Skráningin lengst til
hœgri sýnir svörunina eftir fjögurra mínútna þvott með venjulegri Ringerlausn. Kvörðun tíma og spennu og birtumagn
Ijósertingar er Itin sama og í mynd 1.
dogen) GABA í sjónhimnunni. Lyfið var próf-
að á alls sjö sýnum við mismunandi styrk (0,1-
5,0 mM). Þótt einhver munur væri á áhrifum
mismunandi styrkleika voru þau í grundvallar-
atriðum hin sömu, það er að segja lækkun
sveifluspenna án mikilla áhrifa á b-bylgjuna.
Mynd 1 sýnir skráningu fyrir og eftir yfirflæði
1,0 mM NIP í 40 sekúndur.
Eins og sést eru það fyrst og fremst sveiflu-
spennurnar sem verða fyrir áhrifum af NIP.
Eftir því sem styrkur NIP jókst, jukust jafn-
framt áhrifin á b-bylgjuna.
Til þess að athuga hvort þessi áhrif GABA
væru tengd ákveðnum undirtegundum viðtaka
notuðum við GABAB-agonistann baclofen.
Ahrif 0,1 mM baclofen á sjónhimnuritið voru
mjög frábrugðin áhrifum NIP. Eins og sést á
mynd 2 lækkaði baclofen b-bylgjuna töluvert
án nokkurra áhrifa á sveifluspennurnar. Þessi
áhrif voru stöðug milli sýna (N=7) og breyttust
eingöngu megindlega en ekki eigindlega við
aukinn styrk baclofen (0,05-3,0 mM).
Mynd 3 sýnir áhrif GABAA-agonistans
AVA. I öllum tilraunum (N=5) með lyfið
(0,05-3 mM) dró það sérhæft úr sveifluspenn-
um án þess að hafa teljanleg áhrif á b-bylgjuna.
Myndin sýnir áhrif 0,1 mM AVA á sveiflu-
spennur og b-bylgju sjónhimnurits.