Læknablaðið - 15.01.1998, Síða 53

LÆKNABLAÐIÐ 1998; 84
51
ional Cancer Institute, þar sem
ég var síðustu fjögur árin, voru
þúsundir manna að vinna á hin-
um ýmsu sviðum erfðafræðinn-
ar og menn hittust mikið bæði
formlega og óformlega til að
fjalla um fagleg efni. Sambýlið
hér í húsinu er að vísu mjög mik-
ils virði en það væri vitanlega
ennþá skemmtilegra ef allir sem
vinna að rannsóknum á þessum
sviðum hér á landi gætu verið
nær hver öðrum og skipst á
fréttum af daglegu starfi sínu.
En mér hefur verið vel tekið hér
og ég er ánægður og bjartsýnn á
að þessi starfsemi verði til þess
að efla rannsóknir og áhuga á
þeim.“
Stöðugar rannsóknir
nauðsynlegar
Er hægt að standa undir
grunnrannsóknum í svo litlu
þjóðfélagi með kannski naum-
um fjárframlögum?
„Já, þessar rannsóknir eiga
allar rétt á sér og við getum ekki
búist við neinum framförum ef
við stundum ekki rannsóknir.
Það á við í öllum fræðigreinum
og þar er ég bæði að tala um það
sem áunnist hefur með eldri
rannsóknum, það sem verið er
að gera og það sem framundan
er. Læknisfræðin er alltaf að
tengjast erfðafræðinni meira og
því er afar mikilvægt að fylgjast
með öllum nýjungum og það á
ekkert síður við lítið samfélag
eins og Island. Auk þess er
komið hér í gang stórt erfða-
fræðifyrirtæki og má segja að
það sé hlutverk Háskólans að
vissu leyti að undirbúa nemend-
ur fyrir starf í slíku fyrirtæki.
Mér er ekki ljóst hvort Islensk
erfðagreining hefði komist á
laggir ef kennsla og rannsóknir
hefðu ekki farið fram um árabil
í erfðafræði og skyldum grein-
um við Háskólann og stofnanir
tengdar honum,“ segir Eiríkur
Steingrímsson að síðustu.
-jt-
Frá landlækniscmbættinu
Endurinnlagnir og
aðbúnaður sjúklinga
Endurinnlagnir sjúklinga innan átta daga frá út-
skrift á lyflækninga- og hjartadeild Sjúkrahúss
Reykjavíkur, Fossvogi. Unnið upp úr sjúkra-
skrám.
Aðbúnaður
bráðasjúklinga á
sérgreinasjúkra-
húsum í Reykja-
vík er óviðun-
andi. Margar at-
huganir hafa
leitt í ljós að í lok
vaktavistast sem
svarar heil legu-
deild á göngum,
skotum og jafn-
vel baðherbergj-
um. Itarleg
rannsókn leiddi í
ljós að fjórði
hver sjúklingur
vistast við slíkar
aðstæður. Oft er
hér um verulega
veikt fólk að ræða, sem liggur
með vökva- og blóðgjafir og
þarfnast veigamikilla rann-
sókna og hjúkrunar. A göngum
er mikil umferð þannig að mikið
veikir sjúklingar fá hvorki ró né
svefnfrið. Fer ekki milli mála að
slíkt umhverfi er ekki bjóðandi
veiku fólki. Miklar kvartanir
berast frá heilbrigðisstarfsfólki
vegna þess að margir sjúklingar
eru útskrifaðir of fljótt. Athug-
un á endurinnlögnum á lyflækn-
ingadeild Sjúkrahúss Reykja-
víkur á árunum 1986-1995 sýnir
að endurinnlögnum innan átta
daga frá útskrift fjölgar mjög
eftir 1991.
Á tímabilinu hafa engar nýjar
reglur verið teknar upp um út-
skriftir.
Á árunum fyrir 1991 voru 4-10
hjartasjúklingar endurinnlagðir
innan átta daga á ári hverju en
1995 voru nær 80 sjúklingar end-
urinnlagðir. I heild hefur sjúk-
lingum sem lagðir eru aftur inn
innan átta daga frá útskrift
fjölgað úr 80 í 200 á ári á lyf-
lækningadeild. Þessartölur lýsa
vanda er læknar standa frammi
fyrir vegna mikillar umsetning-
ar sjúklinga. I mörgum tilfellum
eru útskriftir ótímabærar þar
sem læknar eru undir þrýstingi
að útskrifa eftir vaktir, þegar
nýinnlagðir sjúklingar þurfa að
vistast á göngum eftir bráða-
vaktir. Mörg dæmi eru um
hjartasjúklinga er koma skjótt
aftur á sjúkrahúsið vegna vax-
andi hjartaverkja og bilunar á
hjartavöðva. Eldri sjúklingar
eru oft útskrifaðir án þess að
viðunandi heimahlynning sé
tryggð og má því segja að nýleg
lög um réttindi séu þverbrotin
daglega. Megin vandi stafar af
því að fjölmargir hjúkrunar-
sjúklingar vistast að staðaldri á
bráðadeildum.
Margir starfsmenn eru
þreyttir og vonlausir um bót á
ástandinu.
(Úr skýrslu landlæknis til fjárlaga- og
heilbrigðisnefnda Alþingis, nóv. 1997.)