Læknablaðið : fylgirit - 01.07.1995, Síða 5

LÆKNABLAÐIÐ 1995; 81
5
Afmælishald Læknafélags
Akureyrar
Læknar á Akureyri héldu upp á sextugsafmæli
félagsins 5. nóvember síðastliðinn, en það var
stofnað 6. nóvember 1934. Auk þeirrar útgáfu-
starfsemi og greinaskrifa, er líta má í þessu Fylgi-
riti Læknablaðsins, var afmælishaldið tvíþætt.
I fyrsta lagi var staðið fyrir opnu húsi í húsnæði
Deiglunnar, sem er samkomusalur í Listagilinu á
Akureyri. Þangað var félögum og öllum bæjarbú-
um boðið, en samkoman hófst með því að fyrrver-
andi félagi, Halldór Baldursson bæklunarskurð-
læknir, fíraði salút úr fallbyssum á Torfunes-
bryggju. Að því loknu söfnuðust félagsmenn og
gestir þeirra saman í deiglunni, þar sem fram fór
dagskrá undir yfirskriftinni Læknislist.
Samkoman hófst með setningarathöfn, þar sem
Stefán Yngvason formaður undirbúningsnefndar
flutti ávarp og Pétur Pétursson formaður Lækna-
félags Akureyrar kynnti kjör heiðursfélaga,
þeirra Ólafs Sigurðssonar og Þórodds Jónasson-
ar, sem raunar lést skömmu eftir heiðursfélaga-
kjörið. Afhent voru heiðursskjöl því til staðfest-
ingar og hélt Ólafur Sigurðsson þakkarræðu.
Fyrir hönd fjölskyldu Þórodds Jónassonar afhenti
Ingvar Þóroddsson læknir félaginu að gjöf frumrit
Læknablaðs Guðmundar Hannessonar 1901-
1904, sem verið hafði í eigu hins látna heiðursfé-
laga. Er þar um mikinn dýrgrip að ræða, sem
fundinn verður staður í væntanlegu lækninga-
minjasafni í Gudmanns minde á Akureyri. Það
hús er frá 1836 og hýsti fyrsta íslenska lækninn, er
sat á Akureyri og síðar hófst þar sjúkrahúsrekstur
á síðasta fjórðungi 19. aldar. Læknafélag Akur-
eyrar er aðili að rekstrarsamningi um nýtingu
hússins ásamt Norðurlandsdeild Félags íslenskra
hjúkrunarfræðinga og Minjasafninu á Akureyri.
Þá flutti Sverrir Bergmann formaður Læknafé-
lags Islands afmælisræðu og færði vandaðan fund-
arhamar að gjöf. Ennfremur lék strengjadúett
tveggja læknisdætra, Önnu Leu Stefánsdóttur og
Nicole Cariglia.
Að setningarathöfn lokinni var gestum boðið
að skoða sýningu, er læknar höfðu sett upp, þar
sem þeir kynntu sérgreinar sínar og áhugamál.
Var þar blandað saman vísindum og gagnlegum
upplýsingum, gamni og alvöru. Töluverðan fróð-
leik mátti lesa þar á veggspjöldum, sem voru ár-
angur umtalsverðar rannsóknarvinnu félags-
manna. Sýnd voru myndbönd í fræðsluskyni og
voru tvö þeirra gerð af félögum sjálfum. Nick
Cariglia sýndi myndband, þar sem hann maga-
speglaði sjálfan sig og Haraldur Hauksson sýndi
fræðslumyndband um gallblöðrunám um kviðsjá,
sem hann hafði gert sjálfur í tilefni afmælisins.
Sýningin var síðan brotin upp með dagskrár-
atriðum, þar sem kór Heilsugæslustöðvarinnar á
Akureyri söng nokkur lög undir stjórn Guðjóns
Pálssonar og Hjálmar Freysteinsson heilsugæslu-
skáld flutti viðstöddum kveðskap sinn. Brynjólfur
Ingvarsson las frumsamin ljóð og Haraldur
Hauksson söng einsöng við undirleik Guðjóns
Pálssonar.
Læknafélag Akureyrar bauð öllum gestum að
þiggja kaffi í Café Karólínu, en innangengt er úr
Deiglunni í það kaffihús. Talið er að hátt á fjórða
hundrað manns hafi sótt samkomuna, sem stóð í
fjórar klukkustundir og tókst ágæta vel að mati
viðstaddra. Framlagi sérgreina er getið í heild á
bls. 6.
Seinni þáttur hátíðarhaldanna 5. nóvember var
árshátíð félagsins, sem haldin var í veitingahúsinu
Fiðlaranum á Akureyri. Árshátíðina sóttu á
sjöunda tug gesta og þótti hún takast einkar vel
undir öruggri veislustjórn Magnúsar Stefánsson-
ar. Þar var boðið upp á fjölda heimatilbúinna
skemmtiatriða: Upplestur úr gömlum fundar-
gerðum, gluntasöng, kveðskap og gamanmál ým-
iskonar, auk þess sem formaður flutti hátíðaræðu
og öflugur fjöldasöngur fór fram undir borðum.
Að veisluborðhaldi loknu var troðinn dans fram-
undir óttu.
Félagar í Læknafélagi Akureyrar telja sig hafa
náð tilgangi sínum með hátíðahöldum þessum, en
hann var að efla innri samstöðu félagsmanna og
kynna samborgurum sínum starfsemi félags-
manna og einstakra félaga.
Pétur Pétursson