Læknablaðið : fylgirit - 01.07.1995, Blaðsíða 7
LÆKNABLAÐIÐ 1995; 81
7
Ávarp til heiðursfélaga
Læknafélag Akureyrar reynir í dag að gera
lækninn sýnilegan fyrir samborgurunum, bæði í
leik og starfi. Við höfum kosið að nota þessi tíma-
mót til að minna á lækninn sem þjóðfélagsþegn og
það gagn og þá skemmtan, sem stundum má af
okkur hafa. Ég vona því, að við getum átt hér
góða stund í dag, er hæfi tilefninu.
Á tímamótum lítum við til baka með þökk í
huga til þeirra, er brautina ruddu, og til allra
þeirra, er borið hafa merki læknislistarinnar hér á
Akureyri með sæmd í tæpar tvær aldir. Á liðnu
vori rættist sá langþráði draumur Læknafélags
Akureyrar, að húsið Gudmanns minde komst í
eigu Húsfriðunarsjóðs Akureyrar og erum við nú
aðilar að rekstrarsamningi um nýtingu þess ásamt
Norðurlandsdeild Félags íslenzkra hjúkrunar-
fræðinga og Minjasafninu á Akureyri. Hús þetta
reisti fyrsti íslenzki læknirinn á Akureyri sér til
íbúðar árið 1836. Þar hófst svo árið 1873 rekstur
elzta starfandi sjúkrahúss á íslandi, sem þar var til
húsa í tæpa þrjá áratugi. Á síðustu áratugum hef-
ur fyrrverandi eigandi þess, Eiður Baldvinsson,
unnið mikið þrekvirki við varðveizlu þess af hug-
sjón, elju og vandvirkni og á hann miklar þakkir
skildar fyrir. Vonandi tekst með samstilltu átaki
að gera húsið að lifandi glugga inní fortíðina,
nútímafólki til fróðleiks- og þroskaauka.
Sögu Læknafélags Akureyrar verða gerð skil í
rituðu máli og mun hún koma fyrir almennings
sjónir sem Fylgirit Læknablaðsins ásamt greinum
þeim, sem í viku hverri hafa verið að birtast í Degi
eftir okkur lækna. Söguritunin hefur tekizt af-
burðavel, enda var til verksins valinn félagi, sem
öðrum tekur fram að vandvirkni, minni og ráð-
vendni í meðferð staðreynda.
En til að sýna eldri félögum nokkurn heiðurs-
vott á þessum tímamótum ákváðum við að áliðnu
sumri að kjósa tvo heiðursfélaga úr okkar röðum.
Val þeirra þurfti ekki langrar umhugsunar við,
þótt ýmsir fleiri væru fullkomlega verðir slíkrar
viðurkenningar. Báðir höfðu þessir afreksmenn
Flutt af þáverandi formanni Læknafélags Akureyrar,
Pétri Péturssyni, á afmælishátíð félagsins, Læknislist, 5.
nóvember 1994.
ávallt verið stétt sinni til sóma með iðkun læknis-
listar sinnar og með starfi sínu gefið okkur hinum
fagurt fordæmi. Annar þessara tveggja, Þóroddur
Jónasson héraðslæknir, var héðan af heimi
kvaddur nokkrum dögum eftir fundarsamþykkt
okkar. Hans hef ég þegar reynt að minnast í minn-
ingargrein fyrir hönd félagsins og mun því ekki
endurtaka það, en bið þess í stað félaga Ingvar
Þóroddsson að veita viðtöku heiðursskjali látins
föður síns.
Á það er letraður þessi texti:
„Skjal þetta er staðfesting þess, að Póroddur
Jónasson lœknir var á félagsfundi 24. ágúst 1994
einróma kjörinn heiðursfélagi Lœknafélags Akur-
eyrar fyrir farsœl trúnaðarstörf í þágu félagsins og
fyrir að hafa með œvistarfi sínu aukið á hróður og
metnað stéttar sinnar. “
Það sé góðu heilli gjört!
En hinn heiðursfélaginn er nú góðu heilli á
meðal vor í dag og er hann eini eftirlifandi heið-
ursfélagi Læknafélags Akureyrar. Nafn hans er
Ólafur Sigurðsson, fyrrverandi yfirlæknir lyf-
læknisdeildar FSA og um áratuga skeið burðarás í
starfsemi þeirar stofnunar. Ég bið heiðursfélaga
Ólaf að standa upp og koma hingað.
Ólafur Sigurðsson! Þú ert fyrir löngu orðinn
goðsögn í huga starfssystkina þinna, sjúklinga og
annars samferðafólks fyrir sakir mannkosta, rétt-
sýni og andlegs atgjörvis. Þú hefur í hverri þinni
athöfn sýnt heiðarleik og auðmýkt gagnvart
fræðigrein þinni og á engu níðst, sem þér hefur
verið til trúað. Þú hefur á liðnum mánuðum lagt
fram drýgri skerf í þágu Læknafélags Akureyrar
en aðrir félagar frá upphafi með ritun 60 ára sögu
félagsins. En sú staðreynd, að félaginu er sómi að
þér, hefði ein og sér verið næg ástæða til að við
höfum valið þig heiðursfélaga okkar. Bið ég þig
nú að veita viðtöku skjali því til staðfestingar með
þessum texta:
„Skjal þetta er staðfesting þess að Ólafur Sig-
urðsson lœknir var á félagsfundi 24. ágúst 1994
einróma kjörinn heiðursfélagi Lœknafélags Akur-
eyrarfyrir gifturíkt starfíþágu félagsins ogfyrir að
hafa í drjúga hálfa öld borið kyndil lœknislistar-
innar af hógvœrri reisn. “
Það sé góðu heilli gjört!